Селаште эре вўд лиеш

Селаште эре вўд лиеш

- Чыла тўрлє пашат ышталтын, манаш лиеш, - ойла «Мишкан» ПЖКХ ООО вуйлатыше Р. Алимов. - 20 километр кужытан объектыште предприятийын эн сай специалистше-влак тыршат, эн сай техника ышта. Икмыняр ий ончыч водопроводын пелыжым чо‰ымо. Но ойырымо окса пытен да объектым консервироватлыме. Тыге икмыняр ий эртен. Но пытартыш жапыште сўрет вашталтын да уэшын пашалан пижме.

Кўчык жапыште посна бригадым чумырымо да сай техника ден материалым ойырымо.

Вўдым налме вер деч насосный станций марте (8,5 километр кужыт) участкым опрессоватлыме да рокым рекультивироватлыме.

Арзамат ял воктене верланыше кокла насосный станцийыште ПЖКХ пашае‰-влак накопительный 2 резервуарым вера‰деныт. Кажне резервуарышке 100 тонн утла вўд пура. Тыште вўд араралтеш да эрыкталтеш. Насосный станций воктене 160 КВт куатан трансформаторный станций вера‰далтын. Кокла станций воктене у станций чо‰алтеш. Лишыл жапыште, игече сай шога гын, водовод Мишкан села деке шуэш. Вес ийлан села ден Мишкан воктене верланыше яллашке ару вўд пурымылан ўшан уло.

Икманаш, Мишкан селаште илыше-влакын кранышт гыч эре вўд йогаш тў‰алме жап марте кужу жап кодын огыл.

Объектыште экскаватор дене Тимерхан Сабировын ыштымыжым кєранен онченам. Техника машинистым тўткын колыштеш да чылт чонанла коеш. Кўнчымо кана шыма да тєр улеш. Водопроводым чо‰ышо моло специалист-влакат шке пашаштым сайын палат. Тимерхан Сабиров дене пырля тыште мастер-влак Р. Галиаскаров, Д. Галиакберов, слесарь-влак С. Байгузин, А. Ибаев, Г. Иксанов, водитель Е. Иликбаев, машинист В. Саликаев, оператор А. Саляев, машинист В. Мирсаяпов, слесарь Р. Назмутдинов да моло тыршат.

- Тыгай пашае‰-влак дене кеч-могай пашамат се‰аш лиеш, - каласен мыланна мучашлан Равиль Аюпович.

В. КОНДОГИН.