+12 °С
Облачно
Общие статьи
31 Декабря 2020, 21:00
«Сайлан ўшанена»
Руслан Килинбаев йоча жапысе шонымашыжым шуктен - фермер лийын
«Сайлан ўшанена»
Шаде Шогертен ялыште илыше Алена Владимировна ден Руслан Павлович Килинбаевмыт тений ке‰ежым крестьян-фермер озанлыкым почыныт.
Руслан Павлович, ойлымыжо почеш, шукерте ончычсо шонымашыжым шуктен. Тудын ачаже, Павел Имаевич, ўмыржє мучко механизатор лийын ыштен, аваже, Валентина Васильевна, ондак продавец лийын, варажым «Мишкан» совхозын Ленинский отделенийыштыже доярка лийын тыршен. Руслан Павлович 12 ияшыж гычак ке‰ежым ачажлан комбайн дене шурным погаш полшаш коштын. Школ деч варат, яра жапыштыже, ачаж деке пасушко але машина-трактор мастерскойыш вашкен. Тыге тўрлє техника дене кошташ да нуным олмыкташ тунемын.
Школым тунем лекмеке, Руслан Килинбаев Мишкан селасе 150 №-ан СПТУ-шко тунемаш пурен да ял озанлык производствын тракторист-машинистше профессийым налын. Но, СПТУ-м тунем пытарымеке, районыштына пашам муын огыл да йўдвел кундемышке каен. Тушто тракторист лийын ыштен.
Тений Руслан Килинбаев йоча жапысе шонымашыжым шуктен – фермер лийын. Крестьян-фермер озанлыкым почмеке, тудо тошто комбайным налын, тудым 250 тўжем те‰гелан олмыктен да моло фермер-влаклан лектышым погымо шотышто услугым ончыкташ тў‰алын.
- Кодший районыштына комбайн-влак ситыдымаш пўсын шижылтын, сандене ондак лач комбайыным налаш шонен пыштышым, - ойла Руслан Павлович. – Тудым олмыкташ, конешне, шагал огыл окса каен. Тиде пашам ышташ кугу опытан механизатор, комбайнер-влак Валерий Тоймурзин ден Вениамин Саметов полшеныт. Тыгай полышкалышем-влак улмылан мый моткоч куаненам, комбайн денат нунак пашам ыштат. Нуно Эдуард Владимировын, Аркадий Исакаевын да моло е‰ын озанлыкыштышт тыршеныт.
Мемнан мийыме кечын Валерий Тоймурзин ден Вениамин Саметов А. Ибаеван крестьян-фермер озанлыкыштыже ыштеныт – шожым вик тўредын погеныт. Вес ийлан озанлык вуйлатыше Руслан Килинбаев шкат мланде пашам ышташ тў‰алаш палемден.
- Мланде пашам ышташ куштылго огыл, но ме нелылык деч она лўд, сайлан ўшанена, - шыргыжалын ойла фермер. – Шукерте огыл Пўрє районысо ик озанлык дене договорым ыштенна. Тыште пашам пытарымеке, виклан Бурново ялышке каена.
Алена ГРИГОРЬЕВА.
