Сай лияш куштылго огыл

Сай лияш куштылго огыл

«Идалыкын тунемшыже» конкурс тудын участникшылан кумда илыш корныш лекташ путевка, у вашталтыш да шке ончылан шындыме цельыш шуаш ыштыме икымше ошкыл

«Идалыкын тунемшыже» конкурсын финалышкыже логалаш куштылго огыл. Тудын условийже почеш конкурсыш сайын тунемше,

школын мер илышыштыже чолган участвоватлыше гына ушнен кертеш.

Мутат уке, районышто тыгай йоча-влак шагал огытыл. Сандене конкурсышто участвоватлаш шонышо-влак шукын лийыныт. Но иктешлыме конкурсный сочи- ненийым возымо деч вара индеш е‰ гына кодын. Нуно шке школыштын, районын чапшым аралат.

Нунын дене туныктышышт-влак кугешнат. Вет кажне участникше районысо, республикысе, Россий кўкшытыштє эртарыме конкурс ден олимпиадылаште ик гана веле огыл се‰ышыш лектын. Теве нунын лўмышт: 10 классыште тунемше-влак - Алиса Иликбаева (Ф. Буляков лўмеш 1 №-ан лицейын Нерге ялысе филиалже),

Светлана Николаева (Изи Накаряк кыдалаш школ), Валерий Уразгулов (Мишканысе 2 №-ан школ), Никита Биктубаев (Флорид Буляков лўмеш 1 №-ан лицей), Виктория Ашиева (Кемий кыдалаш школ), Наталья Алексеева (Чорай ялысе Я. Ялкайн лўмеш марий гимназий), 9 классыште тунемше-влак - Арина Яныбаева (Ирсай ялысе А. Искандаров лўмеш кыдалаш школ), Дияна Гарипова (2 №-ан Мишкан кыдалаш школын Кугу Шаде ялысе филиалже), 8 классыште тунемше - Кадерия Валиуллина (Ф. Буляков лўмеш 1 №-ан лицейын Иштыбай ялысе филиалже).

Конкурсын кажне этапше 10 балл дене аклалтын. Конкурсный сочиненийым возымаште эн сай результатым (10 балл) Чорай ялысе марий гимназийыште тунемше Н. Алексеева ден Кемий кыдалаш школышто тунемше В. Ашиева ончыктеныт. Нунын дечын 0,25 баллан

гына А. Иликбаева (Нерге школ), К. Валиуллина (Иштыбай школ), Н. Биктубаев (1 №-ан лицей), В. Уразгулов (2 №-ан Мишкан кыдалаш школ) почеш кодыныт. 9.25 баллым С. Николаева (Изи Накаряк школ), А. Яныбаева (Ирсай школ) налыныт. Д. Гарипова (Кугу Шаде школ) нылымше результатым ончыктен.

9 апрельыште конкурсын школысо этапыштыже се‰ыше-влак районысо Культура дворецын залыштыже чумыргеныт. Конкурсант-влакым кумыла‰даш туныктышышт, ача-авашт, пырля тунемше йоча-влак толыныт. Мероприятий тў‰алме деч ончыч район администраций вуйлатышын заместительже Л. Александрова погынышо-влакым ты мероприятий дене саламлен да конкурсант-влаклан сайын выступатлаш тыланен.

Икымше конкурс «Айста, палыме лийына!» манылтын. Кажне участник 3 минут жапыште шкеж нерген палдарышаш. Тыште чыланат сайын выступатленыт. Конкурсант-влак видеопрезентацийым ончыктеныт, нунылан пырля тунемме йолташышт полшеныт. А теве Арина Яныбаеван полшышыжо-влак эн виян лийыныт, очыни. Ака нерген шольыжо-влак да шўжарже пеш мастарын ойленыт.

Тыршымышт арам лийын огыл, конкурсантка 9 баллым налын. «Йєратыме пашам» конкурс кажнын талантшым, мастарлыкшым рашемдаш полшен. Алиса, мутлан, чыла могырымат вия‰ше ўдыр семын шкенжым ончыктен. Тунеммаш деч яра жапыште куштымаш, муро дене заниматлалтеш, сылнымутан книгам лудеш, шахмат дене сайын модеш.

Тыгаяк чолга улыт Дияна, Светлана, Наталья, Арина. А Виктория чыла уым палаш тырша, сандене чолга туризмым йєрата. Вара мом ужмыжым сўрет гоч ончыкта. Никита ден Валерий - КВН дене модыт, футболым да хоккейым йєратат. Кадерият путешествийыш кошташ йєрата, творческий шўлышан улеш. Теве тыгайрак улыт конкурсант-влак.

Участник-влак шкеныштым интеллектуальный марафонышто эн сайын ончыктеныт. Арам огыл ойлат, палымаш - тиде вий. Тиде конкурс марте участник-влакын баллышт икгайрак лийын гын, тыште Валерий Уразгулов ятырлан моло-влакым ончылтен да «Идалыкын тунемшыже» лўмым сулен налын. Кокымшо верыш лицей гыч Никита Биктубаев лектын, кумшыш - Нерге гыч Алиса Иликбаева.

Моло конкурсант-влак тўрлє номинацийлаште палемдалтыныт. Конкурсант-влак чыланат образований отделын чап кагазше дене палемдалтыныт.

Венера АГЛЯМОВА.