Самырык чоным «Тулсавыш» ылыжтен

Самырык чоным «Тулсавыш» ылыжтен

Йоча-юношеский спорт школын залыштыже тиде модмашын пытартыш этапше эртен

Элыштына самырык армий движений вия‰еш.

™дыр-рвезе-влак уло кумылын республиканский, региональный, всероссийский слет, фестивальлаште, самырык десантник, пограничник, спецназовец-влаклан лагерьлаште участвоватлат.

Но, ожсо семынак, тунемше-влакын эн йєратыме модмашышт «Тулсавыш» («Зарница») улеш.

Тиде модмашке изирак ўдыр-эрге-влакат, кугурак ўдыр-рвезе-влакат ушнаш тыршат.

Мишкан районыштат «Тулсавыш» тунемше-влакын ик эн йєратыме модмашышт улеш. 21 мартыште йоча-юношеский спорт школышто «Путник» туризм да патриотический воспитаний рўдерын вийже дене тиде модмашын пытартыш этапшым эртарыме. Тушто се‰ымаш

верч 10 общеобразовательный учреждений гыч 10 команда кучедалын.

Команда-влак тыгай конкурслаште вийыштым тергеныт: военный историйым шинчымаш, вийым тергымаш, пневматический винтовка дене лўйкалымаш, Калашниковын автоматшым рончен погымаш, радиаций да химический аяр деч аралыше арвер дене пайдаланен

моштымаш. Конкурс рашемден: военный историйым Чорай ялысе марий гимназийыште, Тымбай да Ирсай ялласе школлаште

тунемше самырык армеец-влак эн сайын палат, виян улмышт дене Мишкан селасе 1 №-ан лицейыште, Чорай ялысе гимназийыште да Кемий ялысе школышто тунемше-влак ойыртемалтыт, автоматым Тымбай, Кўрзе ялласе да 2 №-ан Мишкан кыдалаш школлаште тунемше-влак писын рончен погат. А эн сай личный результатым Чорай ялысе марий гимназийыште тунемше Анатолий Плохов ончыктен.

Радиаций да химический аяр деч аралыше арвер-влак дене Владислав Декин (1 №-ан лицей), Павел Байрамов (2 №-ан школ) да Владислав Аптиев (Ирсай) устан пайдаланат. Но та‰асымаште тиде видыште тымбай-влак се‰еныт.

™дыр-влак коклаште эн туран Татьяна Имаева (Ирсай), Дарья Александрова (2 №-ан школ) да Аделина Мавлютова (1 №-ан лицей) лўйкаленыт. Эрге-влак коклаште – Сергей Байдимиров (Кемий), Феликс Изибаиров (1 №-ан лицей), Владислав Аптиев (Ирсай). Командный зачетышто 2 №-ан школышто тунемше-влак се‰еныт.

Итоговый зачетышто Тымбай ялысе школын командыже (Р. Михайлов вуйлата) се‰ен, 2 №-ан школын командыже (Г. Бикбулатов) кокымшо лийын, Чорай ялысе гимназийын командыже (В. Апаев) – кумшо.

Кок этапын итогшо почеш, «Тулсавыш – 2018» военно-спортивный модмаште Чорай ялысе марий гимназийын командыже се‰ен. Чорай-влак районын чапшым модмашын зональный этапыштыже аралаш тў‰алыт. Тудет Балтач районышто эрта. Чаманаш кодеш: модмашын кокмымшо этапыштыже тўп общеобразовательный школ-влак кокла гыч Янагуш школын командыже веле участвоватлен. Модмашын условийже почеш, тушто 15 ияш деч кугурак ўдыррвезе-влак участвоватлен огыт керт. Тидлан кєра та‰асымаште чыла школ гычат икта‰аш ўдыр-рвезе-влак вийыштым тергат.

Икманаш, «Тулсавыш» модмаш лач Пўнчер, Татарбай, Ленинский да моло изирак ялласе тўп общеобразовательный школ-влаклан шоналтын, манаш лиеш. Вет кыдалаш школла гыч 10-11 класслаште тунемше-влак модмашке огыт тол. Туге гынат тўп общеобразовательный школлаште ОБЖ-м туныктышо-влакын пашашт раш ок кой, нунын, очыни, ўдыр-рвезе-влакым районный кўкшытыш нєлталаш кумылышт уке. Кє пала, ала нине школлаште тунемше ўдыррвезе-влак «Самырык армий» движений нерген

йєршын колын огытыл?

Ардаш ялысе кыдалаш школыштат, очыни, тыгаяк сўрет. А вет тиде школ ожнырак военно-патриотический воспитаний шотышто ончыл радамыште лийын.

А. САДОВСКИЙ.