Салтак ава

Салтак ава

Мишкан селаште илыше Анастасия Алексеевам мый шукерте палем, но пытартыш гана вашлиймем годым тудым шым пале. ™дырамаш кумыл нєлтын ошкылын да ош кече гай шыргыжын. Мый, шукерте палыме е‰же уламат, тудын деч молан

тынаре пиалан улмыжым йодаш тоштым. Чылажат проста улмаш – Аван кечыже вашеш Анастасия Алексееван эргыже

армий гыч пєртылшаш.

Идалык ончыч ўдырамаш Станислав эргыжым армийыш ужатен. Поезд тудым мландын вес мучашышкыже, манаш лиеш, на‰гаен. Вучаш куштылгырак лийже манын, ава шкенжын смартфонышкыжо электронный календарьым шынден, тудо кажне эрдене Стасик эргыжлан мыняр кече служитлаш кодмо дене палдарен шоген. Тыге 365 йўд ден кече эртеныт. Материалым

возымо да ямдылыме жапыште самырык салтак шочмо селаж деке утыр да утыр лишемын. Ик-кок кече гычын тудо уже Пошкырт кундемыште лиеш да шочмо селашкынат толын шуэш…

Кызыт ава тудым вашлияш ямдылалтеш. Икмыняр кече ончыч сурт кєргыштє арулыкым пуртен, продуктым ситышын налын ямдылен. Стасик эргыж ден уна-влаклан о‰ай лийже манын, компьютер полшымо дене эргыжын йоча да самырык жапше нерген изи палдарымашым ямдылен. Иктыштыже Стасик гипс дене шога – кидшым тодылын лийын, весыштыже букварьым лудеш... Кодшийсе фотолаште армийыш кайышаш Станислав уна-влакым ужата, воинский эшелонысо вагонышко кўза... А пытартыш фотографийыште тудо частьын территорийже гыч лектын да мє‰гешла ошкылеш...

Тиде тат гыч Анастасия Алексеева вес электронный календарьым чўктен – уло кумылын эргыжын шочмо суртышко пєртылмє татым вуча. Авалан кужу жап вучышаш кодын огыл – вашке пєрт омсашт почылтеш, Станислав йєратыме аважым єндалеш да: «Авай, мый пєртыльым!», - манеш.

В. КОНДОГИН.