Руш омыл гынат, россиянин улам

Руш омыл гынат, россиянин улам

4 ноябрьыште ме Калык-влак икоян улмо кечым палемдена. Тиде кечын чыланат 1612 ийыште Моско кугыжаныш гыч тушман-влакым поктен колтышо-влакым жаплена. Тиде суапле пашашке руш-влак веле огыл, моло калык-влакат чолган ушненыт. Пошкырт-влакат пан-влакым кырен шалаташ полшаш имнешке-влакым колтеныт. Революций деч вара, 1919 ийыште, автономный Башкир Совет республик шочын. Тудым вия‰дымаште Мишкан районын шочшыжо-влакынат надырышт кугу. Республикым чо‰аш Шаехзада Бабич, Али Карнай, Кирей Мерген, генерал Галиян Галиев да моло полшеныт. Ме тыгак Ф. Буляковын творчествыж

дене кугешнен илена.

Мишкан районышто пошкырт-влак (чумыр калыкын 6 процентше) Кигазытамак, Кугу Шаде, Калмазан яллаште да Мишкан селаште

илат. Районыштына посна Пошкырт курултай пашам ышта. Тудо Тўнямбал пошкырт курултайын ужашыже улеш, пашаже пытартыш съездын пунчалже-влакым илышыш пуртымаш гыч шога. Районысо Пошкырт курултайыш тыгай е‰-влак пурат: М. Нурисламов (председатель), Л. Хасанова (заместительже), И. Арсланов, Ф. Ахметшин, С. Исмагилова, М. Каримов, Р. Мукимов, Р. Саматова, Р. Закиров, Т. Зарипова, Г. Фатхутдинова, А. Хайдаршин, И. Яхин. Нуно чыланат Тўнямбал курултайын документше-влакым, пошкырт калык, историйым, йылмым да культурым шымлат.

Районысо Пошкырт курултай 1995 ийыште ышталтын. Тиде ийыштак Уфа олаште I Тўнямбал пошкырт курултай эртен. Мишкан район гыч делегат семын тушко К. Шайхутдинов сайлалтын. Кокымшо Тўнямбал курултай 2002 ийыште эртаралтын, тушко район гыч Р. Буляков миен. 2010, 2015 ийласе Тўнямбал пошкырт курултайышке делегатлан М. Нурисламовым сайлыме.

- Калык кокласе келшымаш кылым пе‰гыдемдашлан, кажне калыклан йылмыжым аралаш да культурыжым вия‰даш йєным ыштыман, - ойла. М. Нурисламов. – Пошкырт йылмым аралыме да вия‰дыме пашам образований отделын методистше Лилия Хасанова шукта. Тудо шке йырже туныктышо, тунемше да ача-ава-влакым чумырен. Пошкырт курултайын исполкомжо районысо культура учреждений-влак дене пе‰гыде кылым куча. Культура пєрт-влакын пашаштым сай могырчын палемдыме шуэш. Мутлан, Кугу Шаде ялысе Культура пєрт вуйлатыше И. Арсланов М. Хисматуллин лўмеш республиканский пошкырт муро конкурсышто III степенян лауреат лийын. 2017 ий октябрьыште Кугу Шаде ялысе Культура пєрт пеленсе «АК шишмэ» фольклор коллектив Стерлитамак олаште эртыше «Ашказар тандары» республиканский пошкырт фольклор фестивальыште участвоватлен да «Пошкырт йўлам аралымаш» номинацийыште се‰ен.

Тений Балтач районышто республиканский «Тукымвож пайрем» эртен. Мишкан села гыч Хасановмыт еш тушто икымше верым налын. Шке тукымвожыштым ямдылыше Ильяс Яхин, Эльвира Шайдуллина да Айрат Загитов диплом дене палемдалтыныт.

Мыйын шонымаште, районыштына тўрлє калык йўла дене палдарыше ял туризмым вия‰даш кўлеш. Тидым ыштена гын, калык-влаклан

вия‰аш йєн лиеш да ятыр паша вер лектеш. Пошкырт, руш, татар да марий-влак, тиде пашалан ваш келшен пижына гын, илышнам ятырлан саемден кертына.

А. ГРИГОРЬЕВА мутланен.