Пытартыш онгыр йўк йонгалтын

Пытартыш о‰гыр йўк йо‰галтын

24 майыште районыштына школ дене 124 тунемше чеверласен

Тений Мишкан селасе 1 №-ан лицейыште 11-ше классым 25 е‰ – 17 рвезе ден 8 ўдыр пытареныт. 5 гыч 11 класс-влак марте нунын воктенышт класс вуйлатыше-влак Н. Лутфуллина ден Д. Михайлов лийыныт.

Тиде, изишак шўлыкан, туге гынат моткоч куанле, кечын нуно тунемшыштым пытартыш гана вўден луктыныт.

Пайрем мероприятийыште выпускник, ача-ава, уна-влакым 1 №-ан лицейын директоржо Е. Малмыгин саламлен.

- Таче о‰ай, йомартле, но изишак тургыжландарыше кече, - каласен Евгений Валентинович.

– Пытартыш о‰гыр йўк – школ илыш, йоча жап дене чеверласымаш. Ончыкыжым те кугые‰ илышым илаш тў‰алыда. Школын чапшым ида волто, туныктышо-влакын ўшаныштым шуктыза.

Вет нуно тендам сайлан гына туныктеныт, поро чонан лияш кумыла‰деныт. Ача-ава-влаклан, 11 ий жапыште туныктышо-влакын пе‰гыде э‰ертышышт лиймылан кугу таум ойлем. А выпускник-влаклан корнан лияш тыланем!

Салам шомак деч вара лицей директор сайын тунемше, школ илышыште чолган участвоватлыше, спортивный та‰асымашлаште

ойыртемалтше ўдыр-рвезе-влакым диплом да Почетан грамота дене палемден. Нунын коклаште лийыныт: М. Александрова, Р. Алиев,

Р. Бикмасов, И. Габдрахманова, Т. Ибаева, А. Ишалин, К. Лутфуллин, А. Ишмухаметова, В. Саляева, М. Яныбин да моло.

Тений лицей дене чеверласыше тунемше-влак чынжымак талантан, чолга да чулым лийыныт. Нуно баскетбол, волейбол дене сайын модыныт, куштылго атлетика дене та‰асымашлаште ойыртемалтыныт, лицейын чапшым «Домисолька» мурышо группын да «Шанс» куштышо коллективын составыштышт «Талант шонанпыл», «Шошо чўчалтыш» конкурслаште араленыт, рвезе-влак парашют дене ик гана огыл тєрштеныт (3 разрядышт уло). Теве тыгай ўдыр-рвезе-влак тений кугые‰ илыш корныш тошкалыт!

Мишкан район МР Совет лўм дене выпускник-влакым районысо образований начальник С. Александров саламлен. Тудо ўдыр-рвезе-влаклан эре ончыко каяш, у кўкшытыш шуаш, тидын годым чын айдеме лийын кодаш, икте-весыштлан полшаш эре ямде лияш тыланен.

Тылеч вара выпускник-влакын икымше туныктышышт Н. Изиляевалан мутым пуымо. Тудын шомакше моткоч чонеш логалше лийын.

- Те мый декем толмыда годым моткоч изи, чыла деч лўдшє, єршє, но тидын годымак чыла пален налаш тыршыше лийында. Чылажат тыланда єрыктарыше да о‰ай лийын. А ынде кугу айдеме улыда, илышым чыланат шке семында умыледа. Эре тыгаяк ушан-шотан кодса, школышто погымо шинчымашдам ешарен шогыза да у се‰ымашыш шуаш тыршыза. Чылаландат ЕГЭ-м сайын сдатлаш да илышыште шке верым муаш тыланем.

Ача-ава-влак лўм дене туныктышо-влаклан тау мутым да ўдыр-рвезе-влаклан тыланымашым Г. Ахметсафина ойлен. Варажым мутым выпускник-влакын кокымшо ачаштлан – 11 «б» класс вуйлатыше Д. Михайловлан пуымо. Тудо шкенжын «икшывыже-влаклан» экзамен-влакым сайын сдатлаш, шонымо верышкышт тунемаш пураш, чоныштлан келшыше пашам муаш да пиалан лияш тыланен.

Выпускник-влак тудлан муро да чонеш логалше почеламут-влак дене вашештеныт.

11 классым визытанлан гына пытарыше И. Габдрахманованат выступленийже чоным тарватыше лийын. Тудо пырля тунемше йолташыже-влак лўм дене школым шарнен да жаплен илаш сєрен. Ильнара туныктышо да ача-ава-влаклан, тынаре ий кажныштлан пе‰гыде э‰ертыш лиймыштлан, чон гыч лекше тау мутым ойлен.

Тауштымаш деч вара ныжыл вальс сем йо‰галтын да выпускник-влак чыланат кушташ лектыныт. Куштымышт годым чылаштынат шўм-чонышт вургыжмо шижылтын – вет нуно шочмо школыштышт пытартыш гана куштеныт. Тиде татым нуно нигунамат огыт мондо!

Вальс деч вара Т. Ибаева ден К. Лутфуллина юзо о‰гырым кидышкышт налыныт да строй йыр пытартыш гана о‰гырым рўзен эртеныт. Тудын йўкшє иканаште моткоч йомартлын да нимучашдыме шўлыкан шоктен. О‰гыр лыпланымеке, кавашке тўрлє тўсан шар-влак нєлтыныт. Выпускник-влак школ дене чеверласеныт...

Школ дене чеверласымеке, 11 классым пытарыше ўдыр-рвезе-влак чыланат районысо Культура дворец ончылно чумыргеныт – тушто поро йўлашке савырныше флешмоб эртен. Тыште нуным район администраций вуйлатыше Р. Мусин, администраций вуйлатышын заместительже Л. Александрова, образований отдел начальник С. Александров, культура отдел начальник М. Нурисламов, самырык-влак дене паша шотышто комитетын тў‰ специалистше О. Биктубаева саламленыт. Рустам Маратович шкенжын выступленийыштыже выпускник-влаклан ЕГЭ-м сайын сдатлаш да илышыште шке верыштым муаш тыланен.

- Эре ончыко кайыза да сай специальностым налын шочмо кундемышкыда пєртылза. Мыланна ял озанлык специалист, врач-влак кўлыт. Ме тендам эре алал кумылын вашлийына, - каласен тудо выступлений мучаште.

1 №-ан лицейысе 11 «а» класс вуйлатыше Н. Лутфуллина выпускник-влаклан шонымашкышт шуаш да сай айдеме лияш тыланен. Тений флешмобышко Ардаш ял гыч 4 е‰ толын (чыланат спортсмен ўдыр-влак), Кугу Соказа ялысе школ гыч – 9, Ирсай гыч – 9, Монар гыч - 6, Кемий гыч – 13, Изи Накаряк гыч – 5, 1 №-ан лицей гыч – 25, 2 №-ан Мишкан кыдалаш школ гыч – 16, Нерге гыч – 6, Кўрзе гыч – 7, Чорай гыч – 17, Тынбай гыч – 12. Чаманаш кодеш, школым тунем пытарыше ўдыр-рвезе-влакын чотышт идалык еда шагалем толеш.

Торжественный мероприятий канде кавашке тўрлє тўсан шар-влакым колтымо дене мучашлалтын. Тыге выпускник-влак йоча жапышт дене чеверласеныт.

Ме нунылан чылаштланат экзамен-влакым сайын сдатлаш да шонымо верышкышт тунемаш але пашаш пураш тыланена.

Венера АГЛЯМОВА.