«Профессием дене кугешнем»

«Профессием дене кугешнем»

Энже Галинурова школ годсо шонымашыжым илышыш пуртен да ынде ятыр ий воспитатель лийын ышта

Тудлан эре изи йоча-влак дене пашам ышташ, нунын дене модаш келшен, тўрлє представлений-влакым ямдыла. Энже Мидхатовна шке профессийжым умыленак ойырен налын.

1991 ийыште дошкольный педагогика да психологий факультетым тунем пытарен, шочмо школышкыжо пионервожатыйлан пашаш толын.

Пашажым кумылын шуктен. Музыка да рисований уроклам намиен… 2005 ийыште йєратыме пашашкыже толын - Кугу Шаде ялысе «Йондозсок» йоча садыш воспитательлан толын.

Йоча сад тудлан кокымшо суртышкыжо савырнен. Кунам изи йоча-влак дене пашам ыштет, тўрлє могырым шкем вия‰даш йєн лектеш. Тудо творческий айдеме. Шке пашаштыже инновационный йєным кучылтеш. Тўрлє модмаш-влакым о‰айын эртара. Энже Мидхатовна - педагог да психолог, доктор, эколог, садовник, архитектор, дизайнер, спортсмен, актер, музыкант, а изи йоча-влаклан - юзо айдеме. Тудо кажне йочан,

ача-аван чонышкышт корным муын мошта.

Тудын воспитанникше-влак тўрлє конкурслаште участвоватлат. «Очаровашка», «Солнечный зайчик», «Папка-передвижка» конкурслаште

призовой верлам налыныт. Кажне телым йоча сад оралтыште лум гыч тўрлє фигура-влакым ыштат.

Тудын ўшанле полышкалышыже Рима Фархутдинова. Нуно коктын кеч-могай проблемымат решатлен се‰ат. 2011 - 2015 ийлаште йоча садым вуйлатен. Тачат тудо йоча-влакым вашлияш ямде улеш.

Энже Мидхатовнан ешыже кугу, келшен илыше. Пелашыже Финат Галинуров дене сурт-оралтым кучат. Пєртышт у, мотор. Нунын кум ўдырышт уло: кугурак ўдырышт Уфа оласе физико-технический вузын магистрже, кокымшо ўдыржє Уфасе авиационный институтын студентше, эн изиже эше школышто тунемеш. Отличница, художница, школ тудын дене кугешна. Энже Мидхатовна ўдыржє-влакым моткоч чот йєрата, нунын дене кугешна.

«Мыйын педагогический девизем «Йоча - тиде тулойып, тудым ылыжтен моштыман». Мыланем профессием эре йоча тўняште лияш кўшта. Мый - воспитатель улам! Профессием дене кугешнем», - манеш Энже Мидхатовна.

Воспитательын пашаже неле, шуко йєратымашым, чытымашым, вийым йодеш. Вет воспитатель йєратыше ава, поро йолташ, ушан наставник-туныктышо лийшаш. Василий Сухомлинскийын тыгай шомакше уло: «Йоча-влаклан чын воспитатель лияш, нунылан шўметым пуаш кўлеш».

Энже Мидхатовна Галинурова кажне кечын шўмжын ужашыжым йоча-влаклан пуа.

И. СИТДИКОВА.