Повар – эн тамле да творческий профессий

Повар – эн тамле да творческий профессий

Апрель мучаште Октябрьск олаште повар-влакын смотр-конкурсышт эртен

Тушто Нуриман, Архангельский, Белокатай, Миякин, Давлекан, Чишма, Туймазе, Мишкан районла гыч да Октябрьск ола гыч эн сай повар-влак усталыкыштым ончыктеныт. Жюришке Уфа оласе ресторан-влак гыч уста щеф-повар-влакым ўжмє.

Конкурсышто «Мишкан» питаний комбинат деч «Солнышко» йоча садын поварже Галина Павлова ден Ардаш ялысе дошкольный группын поварже Инесса Ахмадишина участвоватленыт.

Икымше этапыште жюри сурт пашам «терген». Тушто участник-влаклан калык кочкышым ямдылаш кўлын. Мемнан поварна-влак марий калык кочкыш-влакым ямдыленыт: подкогыльым, перемечым, ужар салатым, киндым, мелнам. Сий ўстелым нуно тутло кочкыш-влак дене веле огыл, марий калык ўзгар-влак денат сєрастареныт. Жюрин мутшо почеш, тудо эн поян лийын.

Кокымшо этапыште, шеревам кучымеке, конкурсант-влаклан «шем яшлыкым» кучыктымо. Тушто тўрлє продукт лийын. Мутлан, чыве шыл,

пурыс, тыква, помидор. Конкурсант-влаклан, нуным кучылтын, о‰ай кочкышым ямдылаш кўлын. Кочкышым ямдылымым жюри чарныде терген шоген. Нуно паша верым, конкурсант-влакын вургемыштым, сак лийме техникым палымыштым, технологический процессым, санитарный правилын йодмашыжым шуктымым, кочкышым оформитлымым акленыт.

Икманаш, конкурс неле лийын, но мемнан поварна-влак тушто сай результатым ончыктеныт.

Г. ГЛИМНУРОВА, «Мишкан» КП ООО директорын заместительже.