Пенгыде еш - виян эл

Пе‰гыде еш - виян эл

«Юмо икшывым пуэн гын, Юмо икшывыланат пуа» маныт вате-марий Зайнетдиновмыт

Келшен илыше ешыште изи пєртат кугу пиалым пуэн кертеш. Зайнетдиновмыт ешын историйжым шергалаш гын, тиде ойын шомакше рашемеш. Эдурд ден Алена шкеныштын вич икшывыштым да ашнаш налме кум ўдырым воспитатлат.

Мужыра‰машым каваште пе‰гыдемдат маныт. Уке гын икгай отчестван да ик кечыште шочшо-влак икте-весыштым вашлийын, йєратен шындат ыле мо?

Эдик ден Алена Пайтара ялыште шочыныт. Когыньыштынат ачашт Анатолий лўман лийыныт. Коктынат 15 мартыште шочыныт, ийгот ойыртемышт 6 ий. 9 класс марте шочмо ялыштышт тунемыныт. Кыдалаш школым пытарыме нерген аттестатым Эдуард Благовещенский районысо Пештен школышто, Алена - Кемий школышто налыныт.

Школ деч вара кажныже шкалан келшыше профессийым ойырен. Еш вуй водительлан тунемын, сурт оза вате - продавецлан. 2004 ийыште Эдуард ден Алена мужыра‰ыныт да ялыштак илаш кодыныт. Кочаштын изи пєртыштышт илаш тў‰алыныт. Еш вуй ача лийшыжын КФХ-ште

пашам ыштен. Изинекак пашам ыштен тунемше-влак шке вольыкым налыныт, пакчам шынденыт. Ты жапыште нунын Кирилл эргышт лийын. Эргылан эре шєр-торык, пакча емыж ток лийын.

Пошкудышто ойган томаша лийын каен. Пошкудо сурт оза колен колтен. ™дырамаш кок ўдыр дене тулыкеш кодын. Нуным йол ўмбак шогалташ вийже ситен огыл. Эдуард ден Алена ўдыр-влакым опекыш налыныт. Ынде нуно кугемыныт, кажныже шке илышыж дене ила. Нелли марлан лектын, ынде шке кок икшывым ончен-кушта. Стелла тений Мишкан агропромышленный колледжым тунем пытарен,

повар да сурт оза вате профессийым налын.

Кок ий ончыч Зайнетдиновмыт эше тулык ўдырым - Камилам ашнаш налыныт. Тудым Уфасе йоча пєрт гыч конденыт. ™дыр нуным «авай» да «ачай» манеш.

Кугурак Кирилл эргышт кызыт агропромышленный колледжыште механик-водительлан тунемеш. Тудын йєратыме пашаже уло - кроликым онча. Данил ден Глеб 1 №-ан лицейыште тунемыт, Есения - йоча садыш коштеш. Эн изи Аврора ўдырыштлан кызыт кок ий гына, тудат

садикыш каяш ямдылалтеш.

2012 ийыште еш илыме верым чо‰аш «Самырык еш» государственный программа дене илыме верым чо‰аш субсидийым налын. Нуно пєртым Мишканыште ышташ кутырен келшеныт. Кок могырымат шочшо-влакын полшымышт дене кок пачашан пєртым чо‰ен шынденыт.

Нелли ден Стеллалан государство кажныжлан пачерым пуэн. Но нуно йол ўмбак шогалтыше ача-аваштым огыт мондо. Эре толын коштыт.

Шуко икшыван самырык еш Мишканыш куснымекат ялысе койышыштым монден огыл, оралте тич вольыкым кучат. Пакчам шындат. Шєржат, шылжат, муныжат, пакча емыжшат - чыла шкеныштын. Йоча-влак изинекак пашалан тунем кушкыт, ача-аваштлан полышкалат.

Венера АГЛЯМОВА.