Патрондымо пычалат лўен кертеш

Патрондымо пычалат лўен кертеш

2018-2019 ийысе сонарлыме сезонышто законым пудыртымым ончылгоч кора‰дышашлан рейд-влак эртаралтыт.

Полиций пашае‰, сонар озанлыкын представительже, государственный сонарлыме инспектор-влак дене пырля сонарлыме верлаште, тыгак автомобильный корнылаште сонарлыме сезонышто оружий дене пайдаланымаште закон пудыртымашым кора‰дышашлан, тыгак янлык тўням аралышашлан да кучымо янлыкын закон дене келшен толмыжым текшырышашлан рейдовый мероприятий-влакым эртарат.

- 2018 ийыште Мишкан районышто полиций пашае‰ ден текшырыше орган-влак янлык тўням аралыме шотышто 3 административный правам пудыртымым пален налыныт, - ойла Росгвардийын БР-се управленийжын лицензионно-разрешительный паша шотышто отделенийжын старший инспекторжо, полиций капитан И. Хасанов. - Тыгак регистрироватлалтдыме ик пычалым поген налме да озажым мут кучаш шогалтыме. Шке кумылын кок пычалым сдатленыт.

Лўйкалыше оружий, боеприпас, пудештарыме вещества эре пе‰гыде контрольышто кучалтыт, вет нуно е‰-влаклан поснак кугу лўдыкшым ыштат. Нунын деке айда-лийже койыш, аралыме правилым шотыш налдымаш э‰гек лийын кертмашым икмыняр гана кугемда.

- Эртыше ийыште оружий дене пайдаланыме законым пудыртымылан 7 е‰ым административный ответственность почеш мут кучаш шогалтыме, - мутшым умбакыже шуя И. Хасанов. - Е‰-влак чўчкыдынак оружийым уэш регистрироватлыме правилым пудыртат. Оружийым аралыме жапым ончыктышо документым да лицензий жапым ончалаш мондат. Сонарлыме правилым шотыш огыт нал. Пычал дене лўйкалаш чарыме верлаште лўйкалат. Тидыж дене РФ-ын улшо законжым пудыртат. 1996 ий 13 ноябрьысе 150 №-ан «Оружий нерген» ФЗ-н 26-шо статьяж дене келшышын, оружийын озаже идалыкыште 2 гана административный правам пудырта гын, оружий поген налылтеш, лицензий да разрешений петыралтыт. Ушештарена, закон почеш чыла правилым шуктен оружийым кучышо-влаклан тўрлє митинг, уремыште шуко е‰ улман верлаште, демонстрацийыште, пикетыште да моло массовый мероприятийлаште пычал дене кошташ ок лий. Оружийым тыгак йўшє улмо годым - мє‰гыштат, сонарлымаштат кучылташ чаралтеш, тыгак обрзовательный учрежденийлашке оружий дене пураш ок лий.

Кеч-могай е‰ат оружийым, боеприпасым, пудештарыме веществам шке кумылын сдатлен кертеш, тыге ыштыме дене нуно закондымын аралымылан мут кучымаш деч утлат. Вет закон дене келшышын, шке кумылын оружийым, боеприпасым, пудештарыме веществам сдатлыше-влак уголовный ответственность деч утаралтыт да нунылан сдатлыме оружийлан эше окса тўлалтеш.

Регистрироватлалтдыме оружийым да боеприпасым сдатлыме шотышто ешартыш уверым полиций пашае‰-влак деч тыгай адрес дене налаш лиеш: Мишкан села, Мир урем, 5, 5-ше пєлем. Телефон: 2-18-02.

Алена ГРИГОРЬЕВА ямдылен.