Патриотизм шўлышеш

Патриотизм шўлышеш

Пытартыш жапыште шымлызе, эксперт, политик-влак самырык-влакым патриотизм шўлышеш шуарымылан кугу верым ойырат

Кызыт материальный поянлык моральный поянлык деч ончыко лектын. Кокла статистикан самырык е‰ поянлыклан мом шотла? Оксам, машинам, сай вургемым, каныш кечылаште «тусовкам». Тыгай илышыште патриотизмлан йєршын вер ок код.

Мо о‰айже, самырык-влак патриотизмым умылат да тудым чон поянлык семын аклат. Но патриотизм дене кылдалтше сай примерын укелыкше, тудо уло гынат, самырык-влаклан пешыжак огыт ойло, ты поянлыкым нужна‰дат. Совет пагытыште герой-влак А. Матросов, З. Космодемьянская, О. Кощевой, пионер герой-влак да молат воспитатлымаште кугу верым налыныт. Вет нине герой-влакын образыштак самырык чоныш патриотизм шўлышым пурта. Таче мо ышталтеш? Самырык-влак кє деч примерым налшашым огыт пале, сандене шкаланышт идеалым телевизор экраныште кычалыт. А тушечын могай примерым налаш лиймым ме сайын палена. Сандене пытартыш жапыште шымлызе, эксперт, политик-влак самырык-влакым патриотический шўлышеш воспитатлымылан кугу верым ойыраш тў‰алыныт.

- Мемнан районышто самырык-влакым патриотический воспитатлыме паша район администраций вуйлатышын пе‰гыдемдыме 2018 ийыште самырык-влакым гражданско-патриотический воспитатлыме паша план дене келшышын шукталтеш, - ойла самырык-влакын пашашт шотышто специалист Ольга Биктубаева. - Самырык-влакым патриотический воспитатлыме да армийлан ямдылыме шотышто

координационный совет пашам ышта. Кўшнє ончыктымо паша план дене келшышын, тўрлє мероприятий-влак эртаралтыт.

Районысо школлаште, агропромышленный колледжыште патриотический воспитатлыме паша утларакшым ветеран-влак дене вашлиймаш, беседа, йыргешке ўстел, диспут, лекций, конференций семын намиялтыт. Тимур паша да волонтер движений самырык-влак коклаште кумдан шарлен. «Колыдымо полк» тўнямбал мер толкын Кугу Отечественный сар жапысе тукымым шарнен илымым ончыкта.

Се‰ымаш кечын ола ден ялласе уремлаште е‰-влак сарыште кредалше, тылыште тыршыше коча-куваваштын фотоштым кўш нєлтен эртат. Нунын нерген школлаште сочиненийым возат. «Колыдымо полк» толкыныш мемнан районат ушнен. 2017 ийыште районысо школлаште да колледжыште тунемше-влак «Колыдымо полк» да «Георгиевский лента» акцийлаште чолган участвоватленыт. Тунемше-влак ача-авашт дене пырля коча-куваваштын портретыштым нумалын митингыш толыныт. Се‰ымаш кечылан ямдылалтме годым йоча-влак фашизм ваштареш кучедалше кугезе кочашт-влак нерген шукым пален налыт.

Рвезе-влакым армийыш каяш ямдылыме мероприятий-влак кышкарыште эртаралтыт: «Отечествым аралыше-влак» конкурс, «Призывникын кечыже» (шошым да шыжым эртат), пневматический винтовка гыч лўйкалыме, «Супермен» виян-влакым ямдылыме, школышто тунемше-влак коклаште полиатлон дене районын чемпионатше да молат.

Самырык-влакым патриотический шуарымаште Афган, Чечен да моло локальный сєйлаште участвоватлыше-влак суапле пашам шуктат. Кажне ийын мемнан районысо афганец-влак Афганистан гыч совет войскам лукмылан лўмлалтше зональный военно-спортивный конкурсышто участвоватлат. Тений тыгай конкурс Караидель селаште эртен. Тыгай мероприятийлашке школышто тунемше-влак ўжылтыт. Тидыже самырык-влакым патриотически шуараш чот полша.

Самырык-влакым патриотически воспитатлымаште ветеран-влак совет кугу пашам шукта. Кажне сельсоветыште тў‰алтыш ветеран организаций ышталтын. Районышто чылаже 42 тыгай организаций уло.

Патриотический воспитаний пашам намийымаште молодежный ушем-влак чот тыршат: таза илыш-йўлам шарыше «Пырля» районный отделений, «Единый Российын самырык гвардийже» верысе отделений, муниципальный район Совет пеленсе самырык-влакын советышт, районысо самырык депутат-влак ассоциаций. 2017 ийыште районышто «Юнармия» военно-патриотический движений пашам тў‰алын.

Тачысе кечылан тушко 104 е‰ пурен. Тиде движений районысо чыла мероприятийлаште участвоватла. нунын инициативышт почеш тыгай мероприятий-влак эртаралтыныт: «Георгиевский лента», «Колыдымо полк», «Шарнымаш сорта» акций-влак, «Отечествым аралыше-влак», «Призывникын кечыже» конкурс-влак да молат.

2013 ийыште БР правительствын пунчалже почеш «Центр патриотического воспитания и допризывной подготовки молодежи РБ» ГБУ-м ыштыме.

Идалык мучко пеш шуко тўрлє та‰асымаш, олимпиада, конкурс-влак эртат. «Десантник» патриотический клубын воспитанникше-влак кажне мероприятийыште участвоватлат да сай результатым ончыктат. Кычалме пашаште самырык краевед-влак районын, ялын

историйжым шымлат. Районысо школлаште тўрлє поход ден экскурсий-влак чўчкыдын эртаралтыт. Лўмлє землякна-влак нерген материалым погаш экспедиций-влак организоватлалтыт. Кугу Отечественный сарын геройжо-влак

- Сергей Казаков, Егор Орсаев, Ишмай Ишкинин, Махмут Актуганов, Гзи Загитов, разведчик-подпольщик Габдельбар Фатхинуров нерген материал-влак погалтыныт.

Патриотический шўлышан мероприятий-влакым эртарыме годым государственный символика-влак кучылталтыт. Районысо школлаште ты тема дене класс шагат-влак эртаралтыт. Районный, зональный та‰асымашлаште РФ, БР да районын гимныштым кучылтмаш обязательный атрибутышко савырнен. Самырык-влакым патриотический воспитатлыме мероприятий-влакым эртараш мемнан оксана шагалрак, материально-технический базына нужнарак. Сандене кажне мероприятийым эртараш спонсор-влакым йодаш перна. А спонсор полышым районысо предприниматель-влак ончыктат.

Патриотизм - тиде лўмлє кече-влакым эртарымаш гына огыл, а самырык-влак коклаште патриотический шўлышым шы‰дарымаш.

Алена ГРИГОРЬЕВА.