Пасуш лекташ ямде улыт

Пасуш лекташ ямде улыт

Районысо агропромышленный комплексыште трактор ден прицеп-влаклан техосмотрым эртарен пытарыме

11 апрельыште Ленин лўмеш колхозышто трактор ден прицеп-влаклан технический осмотр эртен. Шошо агаште пашам ышташ тў‰алшаш 16 трактор гыч 11 тракторжо тўзык, 5 тракторжым 1 май марте олмыктен пытараш шонат.

Механизатор-влак Д. Байназов, Н. Алпаев шке техникыштым сайын олмыктеныт. Вет пасуш лекташ жап шуко ок код, сандене прицепной оборудованийым (тырмам, сеялкым, культиваторым, катокым) ямдылен шуктымаш, йўлышє-шўрымє материалым ситарыман. Вараш кодаш ок лий, арам огыл вет ойлат: «Ик шошо кече идалыкым пукша».

Районышто улшо техникын 60 процентше пасуш лекташ ямде, а кодшо 40 процентыштыже изишак олмыктышаш кодын, нунышт варарак шошо тургымыш ушнат. Аграрный секторышто техосмотр деч вара районысо организацийлаште тыгай паша шукталтеш. Майыште частный секторышто улшо техникылан график почеш техосмотр эртаралтеш: Мавлют СП (14 май), Кўрзе (15), Мишкан (16), Ирсай (17), Кугу Шаде (21), Арзамат (22), Урьяде (23), Кемий (24), Чорай (28), Новотроицкий (29) Монар (30), Кугу Соказа (31), Тымбай (3 июнь), Ардаш

(5 июнь).

Алена ГРИГОРЬЕВА.