Пашажлан ўшанле улеш

Пашажлан ўшанле улеш

Кумло ий наре сельский поселений вуйлатыше лийын ыштымыж годым ятыр лу дене пєрт-влак чо‰алтыныт, чыла корно олмыкталтын, инфраструктура уэмдалтын

Борис Тимиркаевич Байбулатовын икымше гана паша кабинетышкыже пурымылан коло индеш ий темеш. Шоналташ веле, кумло ий

шуэш…

- Чылажат пуйто те‰гече веле лийын, - манеш мыйын героем. - Мыняр жап эртен, мыняр е‰ дене пашам ышталтын.

Ардаш сельский поселений администраций вуйлатышын мутшо дене тўрыснек келшаш веле кодеш.

Мый дечем шога гын, тудын гай е‰-влаклан «За верность профессии» о‰еш пижыктыме знакым луктам ыле. Такшым тудлан ял

калыкын пагалымашыже нимогай наградылан ок шу. Борис Тимиркаевич иканат шкет лийын огыл.

Пе‰гыде еш, ўшанле депутат-влак, сандене ончыко эре ўшан дене ончен. Сельский поселенийыште 8 ял

- Ардаш, Ваксола, Лепешкан, Кызыл Юл, У Эшым, Эшым, Тє‰гак, Тєлдє - чылаже 576 сурт.

Тудо калыклан пуымо мутшым нигунам шуктыде ок кодо. Таче ок керт гын, эрла ышта, уке гын - арня гыч, но шуктыде ок кодо.

Кумло ий жапыште Борис Тимиркаевич шке йырже икгай шонымашын, эре полшаш ямде улшо е‰-влакым чумырен. Вет пырля-пырля пашам ыштен, илышым сылныракыш савыраш лиеш. А эн кугу полышкалышыжлан ял староста-влак, депутат-влак шотлалтыт.

Кандаш ялыштат тўзатыме паша сайын шукталтеш.

Ардаш сельский поселений вуйлатыше дене мутланыме годым шкеж нерген мыняр мутым лукташ тєчышым, тудо эре єрдыжкырак

кора‰еш да «Мыланем эн тў‰ - е‰-влак», нунын деч посна мый нимом ыштен ом керт, манеш.

- Лепешкан ял гыч депутат, фермер Анатолий Ильтубаев, тудын землякше, тиде ялын старостаже, граждан сєй пагытысе легендарный комдивын тезкыжо Василий Иванович Казимов, Эшым гыч «Центральная» МТС-ын Бирский филиалжын менеджерже В. Яметов, Тє‰гак гыч сатучо, депутат В. Зайнакаев, Ардаш ФАП-ын фельдшерже Л. Игнаева, Ардаш школын директоржо Е. Бадамшин, староста-влак Н. Янсубаев (Тєлдє), И. Ташбулатова (Ардаш), В. Иксанов (Ваксола), сельсоветыште пашам виктарыше А. Юмагулова да

ятыр моло-влак нергенат эн поро мутым гына ойлыман, - манеш Б. Байбулатов. - Кумло ий наре мый Ардаш сельский поселений

администрацийым вуйлатем, шуко пагыт эртен. Е‰-влак вашталтыт.

Ожнысо гай ямдым вучен шинчыше уке. Шке ялым шке вий дене веле тўзаташ лиймым кажныже умыла. Ял, урем-влак тўзланеныт. Кажне ийын у пєрт-влак чо‰алтыт. Е‰-влак шке сурт-оралтыштым пе‰гыдемдат, КФХ-влак йол ўмбак шогалыт. Колхоз пытымеке,

эркын-эркын мланде посна озавлак деке куснен. Кызыт МТС (1500 гектар), «Ильтубаев» КФХ (700 га), «Васюткин» КФХ (380 га), Госконюшня (700 га) кугу озанлыклан шотлалтыт.

Ял калык йўдвел кундемлаште пашам ыштен, шочмо ялешышт пе‰гыде пыжашым оптеныт. Теве тыге ила Ардаш сельский поселений. Демографический йодышым эн сайын лепешкан-влак решатлат. Ынде ты ял гыч йоча-влакым школыш кондаш да намиен кодаш кок автобусым ойырат. Ты ялыште илыше 70 наре йоча шочмо кундем гыч каяш ок шоно. Жаплан, шинчымашым погаш, каяш да мє‰гє

пєртылаш ойлат.

- Илышем арам эртарен омыл, тидыже чоным ырыкта, - чеверласыме годым пелештыш Борис Тимиркаевич, машинашкыже шинчын

Ваксола велыш тарваныш.

В. КОНДОГИ