Пагалымашым да йєратымашым сулен

Пагалымашым да йєратымашым сулен

Башкортостан Республикын заслуженный туныктышыжо, Тымбай школышто марий йылмым да литературым туныктышо Надежда Минаева октябрь мучаште юбилейжым палемден

Надежда Минаева изак-шоляк Беловмыт лўмеш Тымбай кыдалаш школышто шуко ий туныкта. Надежда Павловна йоча-влакым шинчымаш курыкыш моштен кўзыкта, шочмо марий калыкым, тудын культурыжым, йылмыжым, историйжым йєраташ туныкта. Шкежат илыш дене тєр ошкылеш, таче тўнямбалне мо лийын шогымым сайын пала.

Тудын ятыр тунемшыже туныктышо корным ойырен налын да кызыт школышто пашам ыштат. Надежда Павловна пашам творчески ыштыше туныктышо, моткоч ответственный, инициативный улеш. Туныктымо у йєн-влакым кычалеш, шке пашаштыже кучылтеш. Марий йылме да литература урокышто кугу верым тунемше-влакым нравственно воспитатлымылан ойыра. Тудо коллегыже-влаклан чўчкыдынак мастер-классым ончыкта, тўрлє кўкшытан виш урок-влакым эртара. Тудын тунемшыже-влак кажне ийын районный, республиканский, межрегиональный олимпиада ден конкурслаште призовой верлам налыт. Тудо тыршыман пашаж дене коллегыже да ялыште кугу пагалымашым, йоча-влакын йєратымашыштым сулен. Нине корнылам возен шинчышемла, мый тиде е‰ деке кугу пагалымашым да изишак кєранымашым шижам.

Ме тудын дене кугешнена. Туныктышын тыршыман пашаже кўкшын аклалтын. 2003 ийыште Надежда Минаева «Россий Федераций общий образованийын почетан пашае‰же» лўмым сулен налын, икана веле огыл БР да Марий Эл образований министерство-влакын Чап кагазышт дене палемдалтын, «Российын эн сай е‰же-влак» энциклопедийыш лўмжым пуртымо. 2006 ийыште «Образований» национальный проект дене грантым налын, 2014 ийыште Йошкар-Олаште «Марий йылме дене эн сай туныктышо» межрегиональный конкурсышто призер радамыш лектын. 2017 ийыште туныктышын кечыже вашеш тудлан «Башкортостан Республикын заслуженный туныктышыжо» почетан лўмым пуымо.

Мемнан коллективыште тыгай туныктышо пашам ыштыме дене ме моткоч кугешнена. 29 октябрьыште тудо юбилейжым палемден. Ме, тудын коллегыже-влак, тиде лўмлє кечыж дене Надежда Павловнам уло кумылын саламлена. Пе‰гыде тазалыкым, лишыл е‰ ден

родо-шочшо-влакын йєратымашыштым, тунемше-влакын пагалымашыштым тыланена.

М. ЯМАНАЕВА.