Нунын почеш вияш корно кодеш

Нунын почеш вияш корно кодеш

Корно пашае‰-влакын пашашт идалык мучко ок пыте. Ке‰ежым нуно корным олмыктат, телым лум деч эрыктат, моло жапыште

техникыштым ямдылат. Эсогыл пайрем кечылаштат нуно «корнышто» лийыт. Эртыше сезонысо паша да телылан кузе ямдылалтме

нерген ме «Башкиравтодор» АО-н филиалже Мишкан ДРСУ-н начальникше Евгений Сергеевич Кузнецов дене мутланена.

- Евгений Сергеевич, корнын могай улмыжо кажне е‰ым тургыжландара. Тений могай пашам ыштен шуктенда?

- Кажне ий тў‰алтыште ме шуктышаш паша-влакым кычалына, тидыже коллективым арален кодаш да пашазе-влаклан сай пашадарым тўлышаш верч ышталтеш. Теве уже ноябрь шуэш, а ме тугак тыршен пашам ыштена, тылзаш планым темена. Мемнан ўмбалне региональный да межмуниципальный, верысе корно-влак улыт. Кажныжым сай состоянийыште кучаш кўлеш. Тений ме Уфа - Янаул трассыште (128,5 - 131,53 км участкыште) корным олмыктенна, «Единый Россий» партийын «Оласе средам ыштена» проектыштыже чолган участвоватленна. Мишканыште Мир уремыште илыме пєрт оралте-влак асфальтироватлалтыныт, Мишкан уремлаште корным олмыктенна, тыгак частный заказ почеш личный озанлыклаште асфальтым пыштенна. Изи Накарякыште Школьный уремыште, Пўрємучаш ялыште Мир уремыште, Новотроицкий селаште Школьный уремыште корнылам тєрлымє. Икманаш, могай паша лектеш, чыла налаш тєчена. Эн тў‰жє, айдемылан паша лийже да тидлан сай оксам налже манын тыршена.

- Ончылно теле, тудлан кузе ямдылалтыда?

- Теле жаплан ме шєнчалан ошма вартышым ямдыленна. Техникынат ямде. Эн неле кече-влак - икымше лум вочмо годым лийыт. Варажым теле жаплан тунем шуыт. Норматив почеш ме куд сантиметр кўжгыт лум вочмеке корныш лекшаш улына. Ик проблема уло - мемнан корно верысе, машина шагал коштеш, а шєнчалан ошма вартыш машина шуко коштман корнышто пайдале. Луман годым тў‰ задачына - корно ынже петыралт, эн ончычак эн кўлешан объектлашке корным почаш, варажым - кажне ялыш.

- Евгений Сергеевич, корно службын функцийже могай?

- Корно мастер эре е‰ коклаште, лаке-влакым тєрлена, лум деч корным эрыктена, моло пашам шуктена… Тудо пашам организоватла, технологийым шуктымым текшыра, безопасность техникылан мутым куча, документацийым намия да моло. Корно пашае‰-влакын вачўмбакышт кугу ответственность теле жапыште возеш. Корно пашае‰-влак корнышто лўдыкшє лиймашым кора‰дышашлан мутым кучат: жапыштыже эрыкташ, ия‰ше вер-влакым пытараш, ончычсо гаяк корно знак-влакын чын верыште шогымыштым, тулышто йылгыжмыштым эскерышаш. Кажне пашае‰ын тўткє, ответственный да профессиональный улмыж деч е‰-влакын илышышт шога.

- Изишак шке пашае‰да-влак нерген каласыза.

- Мемнан коллективыште 48 е‰ пашам ышта. Коллектив ден администраций коклаште кыл сай. Мемнан деч е‰-влак пашам коден огыт кай. Пашае‰-влак опытан улыт, а самырык-влак квалификацийыштым нєлтен шогат. Производственный базына виян, техникына ситышын уло (18 единица специальный корным чо‰ымо техника, 30 автотранспорт).

Предприятийыште «шо‰го-влак» коклаште корно мастер Владимир Ташбулатов, водитель-влак Владимир Александров, Геннадий

Самигуллин, Ильдар Фархутдинов, Виссарион Ишмурзин, грейдерист Геннадий Александров, тракторист Равиль Насибуллин кугу пагалымашым суленыт. Самырык специалист-влак кокла гыч тў‰ инженер Э. Мифтаховым палемдыман.

Чумыр коллективлан пашам тыршен ыштымыжлан кугу тау. Мый ўшанем, тыгай профессионал-влак дене нимогай начар игече лўдыкшє огыл.

Венера АГЛЯМОВА.