Муро дене у кўкшытыш!

Муро дене у кўкшытыш!

Мишкан Культура дворецын калык хоржо Хор-влакын всероссийский фестивальын региональный этапыштыже участвоватлен

Тиде кугу мероприятийым Российысе хоровой общество ден Россий культура министерство организоватленыт.

Мемнан мурызына-влак кокымшо гана тыгай мероприятийыште участвоватленыт. Колыштмаш Уфасе З. Исмагилов лўмеш государственный искусство институтышто эртен.

28 мурызо да 2 баянистын выступленийышт «Любительские хоровые коллективы. Взрослые народные хоры» категорийыште эртен. Тушто мемнан хор деч посна эше 8 коллектив выступатлен - Агидель, Белорецк, Стерлитамак, Уфа олаласе, Архангельский селасе да моло районласе хорвлак.

Олеся Мусалинан вуйлатымыж почеш мурызына-влак кум мурым муреныт: «Кече онча» (мутшо В. Регеж-Гороховын, семже К. Беляевын), «Айста, рвезе ўдыр-влак» (калык акапельный) да В. Камиляновын «Мўндыр корно» композицийжым.

Колыштмаш деч вара жюри иктешлымашым ыштен. Мишкан Культура дворецын хоржо кумшо степенян диплом дене аклалтын. Тыгай кўкшє результатыш мемнан хорна кажне кечын тыршыман репетицийже, «Мирас» куштышо да мурышо фольклор ансамбльын вуйлатышыже, БР культурын сулло пашае‰же Нафира Иксанован надырыштлан кєра шуын.

Мурызына-влакым тыгай се‰ымаш дене шокшын саламлена да 25 апрельыште калык лўмым аралыме концертыште сайын

выступатлаш тыланена.

Марий Конар.