Мишкан кажне ийын уэмеш

Мишкан кажне ийын уэмеш

Тидланже илыш сапым шке кидышкышт кучышо самырык-влак йєным ыштат. Вет пытартыш жапыште вуйлатыше-влак коклаште

самырык-влак утларак улыт.

Торашке кайыме ок кўл, Мишкан сельсовет сельский поселенийым вуйлатыше Рустам Ишмакаевым налаш. Тудо 30 ийым эрталтен гына, но вуйлатыме опытшо, паша кумылжо, чолгалыкше моткоч кугу. Районышто эн кугу сельский поселений вуйлатыше шке пашажым шуктышаш

верч вуйын шога. Эр гыч кас марте тудо шке кундемжым ончен коштеш, кушто мом ышташ кўлмым палемда. А тыгай пашаже мучашдыме: ик вере корно тўрым солыман, вес вере шєрын кайыше печым тєрлыман, кумшо вере йўдвоштлан кушкын шогалше шўкшакым эрыктыман…

- Мемнан райцентрна могай улмо деч чумыр район нерген иктешлымаш шочеш, - ойла Р. Ишмакаев.

Самырык вуйлатышын сай пашажым «Ава да йоча» паркым тўзатыме гычак ужаш лиеш. Ончыч тушто купан вер гына лийын, а таче райцентрыш толшо кажне йоча тушко пурен лекташ тырша.

Мишкан воктенсе йыр корно вес велысе микрорайонышто уремлаште корным ыштыме паша моткоч пўсын шоген. Чыла уремыш пе‰гыде шартышан вартышым вакшаш сельсоветын оксаже ок сите, сандене е‰-влакын полшымышт дене пырля нине урем-влак тєрлалтыт.

Мутат уке, кажне уремым тєрлымє шотышто ту уремын чолга е‰же-влак инициатива дене лектыт. А сельсовет тыгай инициативым кумылын авалта.

Теве тений Моркинская уремыште илыше-влак 5000 те‰ге дене оксам поген (тыште чылаже 16 пєрт уло), уремыш кўан материалым шараш йодыныт.

Тиде пашам шукташ ситыдыме кокымшо ужашыжым сельсовет ойырен. Мемнан ты уремым ончаш мийыме годым Унур карьерыште ныл КамАЗ да погрузчик пашам ыштеныт. Техникым индивидуальный предприниматель Александров пуэн.

Моркинский урем (350 метр кужыт) вашке кўан корно дене волгалташ тў‰алеш. Ынде шошым да шыжым, тыгак ке‰ежым йўран игечылаште ты уремыште илыше-влак шке машинашт дене мє‰гє марте ласкан пурен кертыт.

Лишыл жапыште тыгаяк паша Тумер микрорайонышто шукталташ тў‰алеш. Тенийлан Трактовый, Актуганов да Ишкинин уремлам тєрлаш палемдыме. Нине уремлаште илыше-влак шке ужашыштым петыраш оксам погаш тў‰алыныт. Подрядчик да пашам шуктышо-влак рашемдалтыныт.

- План моткоч кугу, ыштен гына шукташ кўлеш, - манеш Рустам Адгатович. - Чаманаш веле кодеш, суткаште 24 шагат гына…

В. КОНДОГИН.