Ме ЕГЭ деч она лўд

Ме ЕГЭ деч она лўд

Мишкан районышто Рособрнадзор организоватлыме «Ача-ава-влак ЕГЭ-м сдатлыме чумыр кече» всероссийский акцийышке ушненыт

Айдеме кеч-могай нелылыкым се‰аш тунемеш. ЕГЭ-жат, кудыж деч икмыняр ий ончыч моткоч лўдыныт, ынде тунарак шучкын ок чуч. Вет кумшо ий почела, йоча-влак семынак, тудым ача-ава-влакат сдаватлат.

26 февральыште Мишкан селасе Ф. Буляков лўмеш 1 №-ан лицейыште ЕГЭ-м сдатлыме сынан паша модмаш эртен.

Экзаменым сдатлымаш деч ончыч погынышо-влак ончылно район администраций вуйлатышын кадр да социальный йодыш-влак шотышто заместительже Л. Александрова, образований отдел вуйлатыше С. Александров, экзаменым эртарыме пункт вуйлатыше Н. Аспаева выступатленыт да ЕГЭ-лан ямдылалтме шотышто ка‰ашым пуэныт.

Ача-ава-влак тиде кечын руш йылме дене экзаменым сдатленыт. Нунын деке район администраций вуйлатышын заместительже Л.

Александрова ден образований отдел вуйлатыше С. Александров ушненыт. Акцийыште чылаже 45 е‰ шинчымашыжым терген. ЕГЭ-м

чын сдатлымым общеобразовательный учреждений директор, ППЭ вуйлатыше, государственный экзаменационный комиссийын кум членже, мер эскерыше, аудиторий тўжвалсе организатор, кум технический специалист, вич организатор эскереныт.

Ондак ЕГЭ-н организаторжо-влак шкеныштын экзамен дене кылдалтше пашашт кузе да молан ышталтмым умылтареныт, варажым инструктажым эртареныт – вашкаш, шпаргалка да связь средства дене пайдаланыме деч шекландареныт. Тылеч вара нуно посна пакетым почыныт, КМИ-влакым распечатленыт да ача-ава-влаклан шалатеныт, нуным кузе заполнятлымым умылтареныт.

Ача-ава-влаклан тыгак, регистраций кузе ышталтеш, тунемше-влак аудиторийыште кузе шындалтыт, ЕГЭ-н участникше-влакын паша верышт могайрак, палдарыме да контрольно-измерительный материал-влакым ончыктымо. Экзаменыште «выпускник-влаклан» тыгай заданий-влакым решатлаш пернен:

... В одном из выделенных ниже слов допущена ошибка в образовании формы слова. Исправьте ошибку и запишите слово правильно: наши паспорта, задача более легкая, более две тысячи человек, испечем пирог, рота солдат...

Тиде ЕГЭ-се 1 вариантын ик йодышыжо. Те, кудо шомакше йо‰ылыш, палышда? Уке гын, рашемдена – кумшо (двух лийшаш). Вашмутым возымо годым тиде мутым веле возыман улмаш. Тидын нерген мылам индешымше классыште тунемше ўдыр умылтарен. Мый пўтынь шомакым возенам, тидлан кєра вашмутем йо‰ылышлан шотлалтын. Теве тыгай ЕГЭ!

Эртыше акций паша модмаш веле лийын гынат, тушто чылажат чын экзамен семын эртен. Тиде акцийлан кєра ача-ава-влак ЕГЭ-ште шке участвоватлен кертыныт да икшывыштым экзаменлан сайынрак ямдылаш тунемыныт.

Венера АГЛЯМОВА.