Лўмжє ок мондалт

Лўмжє ок мондалт

28 февральыште Мишкан селаште лўмлє землякна, Мишкан районын почетан гражданинже, БР искусствын заслуженный пашае‰же Флорид Буляковын шочмыжлан 70 ий теммылан лўмлалтше мероприятий-влак эртеныт

Тиде е‰ почешыже волгыдо кышам коден. Вет ўмыржє мучко тиде журналист, писатель, драматург, пўтынь элна, шочмо кундемна, калыкше, тукымжо, ешыжым чапландараш тыршен да тиде пашалан вийже ден жапшым чаманен огыл, мє‰гешла, тудым уло кумылын шуктен.

Шочмо школжым чапландарен

2017 ийыште Мишкан селасе 1 №-ан лицейыште кугу событий лийын – тунемме заведенийлан Флорид Буляков лўмым пуымо. Вет кумдан палыме драматург лач тиде школын выпускникше лийын. Школышто тунеммыж годым тудо уло кумылын литературым йєратен шынден да возаш кумыла‰ын – парт коклаште шинчымыже годымак о‰ай статья, почеламут-влакым возен.

Тений лицей пелен краеведческий музейым почмо. Музей калыкым Ф. Буляковын тукымвожшо, йоча да Мишкан селаште пашам ыштыме жапше, произведенийлаж дене палдараш виктаралтын. Музейым торжественно почмашке пагалыме уна, творчествыжым аклыше, йолташыже, ончычсо коллегыже-влак толыныт.

Погынышо-влаклан салам шомакым лицейын директоржо Е. Малмыгин ойлен. Выступленийыштыже тудо музей почмаш тунемме заведенийлан веле огыл, пўтынь Мишкан районлан кугу событий улмым палемден.

Образовательный учрежденийын историйже поян. Тушто ятыр лўмлє туныктышо пашам ыштен, лач нунын тыршымыштлан кєра

тыште Флорид Буляков да моло е‰ творчески вия‰ын кушкыныт.

Район администраций вуйлатышын социальный йодыш шотышто заместительже Л. Александрова Мишкан калык Ф. Буляковым шарнен да жаплен илымым палемден. Мишкан селаште Ф. Буляков лўмеш мемориальный о‰ам почмо, районысо ик эн сай образовательный учрежденийлан тудын лўмжым пуымо, а тачысе кечын музейым почмо. Самырык тукым кундемнан историйжым да лўмлє е‰на-влакым палышаш да шарнышаш, нунын деч примерым налын кушшаш. БР писатель ушем председатель Заки Алибаев шкенжын выступленийыштыже пўтынь Мишкан калыкым саламлен да Ф. Буляковын творчествыж нерген кугешнен ойлен.

Мероприятийыште изажым алал кумылын Рауф шольыжо шарналтен. Пўтынь Буляковмыт еш лўм дене тудо район, школ администраций-влакым, тыглай моло е‰ым изажым шарнен да жаплен илымылан тауштен.

Тауштыме шомакыштыже Флорид Буляков лўмлє драматург веле огыл, тыгак уста музыкант да композитор улмыжым палемден. Ф. Буляков марий поэт В. Регеж-Горохов дене пырля ончыкыжым районын гимнышкыже савырныше «Мишкан – мыйын муро» мурым возен.

Тиде кечын тудым Мишкан селасе 1 №-ан лицейыште тунемше-влак сылнын муреныт. Ямле муро деч вара «Башкортостан» газетын корреспондентше, поэтесса Лариса Абдуллина Ф. Буляковым поро шомак дене шарналтен, тудым Башкирийыште веле огыл, пўтынь элыште да моло эллаштат палыме нерген ойлен. Зритель-влак кеч-куштат тудын пьесыже почеш шындыме спектакльым алал кумылын да чон вургыжын ончат. Ф. Буляковын пьесыже-влакым Российысе, Украинысе, Казахстанысе, Беларусьысо, Монголийысе, Туркменийысе шўдє витле утла театрыште шынденыт. Ф. Буляков 20 утла пьесым да икымше пошкырт сериаллан сценарийым возен. Произведенийже-влакым «Современная драматургия» журналыште савыктыме. Салам шомак-влак деч вара йошкар лентым пўчмє да музейышке пурымо. Уна-влаклан икымше экскурсийым Р. Мусина эртарен.

Буляков лудмаш

Мишкан да Пўрє районласе, республикысе «Ленинец», «Советская Башкирия» газет-влакын лудшышт Флорид Буляковым сайын палат. «Дружба» газетыште пашам ыштымыж годым тудо утларакшым кочо да о‰ай пўрымашан е‰-влак, калыкын илышыже нерген, «уташ пурымо» статья, фельетон-влакым возен, чўчкыдын пўсє йодыш-влакым тарватен. Совет жапыштак Ф. Буляков республикыштына Салават Юлаевын шочмо кундемыштыже музейым почаш кўлмє нерген ойым луктын, Рейхстаг ўмбалне икымше йошкар знамям районын шочшыжо Гзи Загитов шогалтыме нерген возен. Драматург Мишкан селаште кужу жап илен, вара Ишимбай олаште пашам ыштен.

Ты жапыште тудо шкенжым литературын тўрлє жанрлаштыже кычалын – ойлымаш, почеламут, повесть, роман-влакым возен. Но, шкенжын мутшо почеш, моло жанрым сцена се‰ен – драматургийышке куснен. Ту жап марте театр сандалыкыште нигєлан палыдыме Флорид Буляков кок ий жапыште республикыштына ик эн лўмлє драматургышко савырнен кертын.

Лўмлє писатель да драматург Ф. Буляковын шочмыжлан 70 ий темме лўмеш краеведческий библиотекын фойештыже Буляков лудмаш эртен. Мероприятий вўдышє-влак И. Айбердина ден О. Зайнитдинова ондак тудын илыш корныж дене палдареныт.Тылеч вара уна-влак Флорид Минимуллиновичын «Родители» (А. Ибулаев), «Калитка» (З. Махмутова), «Сегодня. Сейчас» (С. Салиева), «Фердик» (В. Ускова), «Камушек» (Ф. Нигматуллина), «Дай руку дружбы, Салават!» (Е. Князева), «Ягода-малина» (В. Камилянов), ойлымашыже-влакым, «Вознесись, мой Толпар» пьеса гыч Толпарын монологшым (Л. Хасанова) лудыныт.

Илыш мучашыштыже Флорид Буляков кинодраматургийыш куснен, тудо икымше профессиональный кинодраматург лийын. Сценарийже почеш кум кинороманым, икымше пошкырт телесериалым («Дочь луны») возымо.

Ф. Буляков тыгак «Звезда любви» икымше пошкырт рокоперын (композитор Салават Низаметдинов) авторжо улеш. «Хочу быть звездой» кинокомедийлан, «Дурь», «Эвтаназия», «Париж» фильм-влаклан сценарийым возен. Икманаш, мыланна, тудын

землякше-влаклан, Ф. Буляковын творчествыжым эше шымлыман да шымлыман.

Мероприятий мучаште Ф. Буляков лўмеш районный конкурсышто ойыртемалтше тунемше-влакым палемдыме. Образований отделын Чап грамотыжо-влакым нунылан БР писатель ушемыш председательже Заки Алибаев кучыктен. Лудмашым шкенжын выступленийже дене пошкырт драматург, поэт, РФ культурын заслуженный пашае‰же Наиль Гаитбаев иктешлен.

«Мишкан – мыйын муро»

Флорид Буляковын драматургический талантшым театральный критик-влак Россий мучко кўкшын акленыт. Автор тюрк йылме театр-влак тўнямбал фестивальыште эн сай драматург семын палемдалтын, «Театральный шошо» фестивальыште се‰ен. Пьесыже почеш спектакль-влакым Чебоксар олаште эртыше «Федераций» фестивальыште, Улан-Удеште эртыше монгол йылман театр-влак фестивальыште эн сайлан шотлымо. Пенза областьысе драматический театр тудын пьесыже почеш шындыме спектакль дене Смоленск олаште эртыше «Современная драматургия на сценах России» икымше фести-

вальыште се‰ен.

Ф. Буляков Стерлитамак оласе пошкырт театрыште «Забытая молитва» спектакльым шындыше-влак дене пырля Салават Юлаев

лўмеш премийын лауреатше лиеш, Пошкырт академический драма театрыште «Бибинур, ах, Бибинур!» спектакльым шындыше-влак

дене пырля – литератур да искусство областьыште Россий государственный премийын лауреатше. Российыште театральный искусствым вия‰дымаште пале надырым пыштымылан – Россий Федерацийын государственный стипендиатше. Флорид Буляковлан

тыгак «Башкортостан Республик искусствын заслуженный пашае‰же», 2013 ийыште – «Башкортостан Республикын калык артистше» лўм-влакым пуымо.

Флорид Минимуллинович школ деч вара, а тунам латкуд ияш веле лийын, виклан пашам ышташ тў‰алын. Ондак стройкышто шала пашае‰, Каныш пєртыштє массовик лийын, кандашияш школышто туныктен, оркестрым вуйлатен, районысо Культура дворецыште баянист лийын. Творческий шўлышан улмыжо тунамак палдырнен. Тудо «Эрвел» куштышо калык ансамбльлан негызым пыштыше-влак кокла гыч иктыже улеш, кум гана, самырык композитор семын, художественный самодеятельность всероссийский да всесоюзный

фестиваль-влакын лауреатышт лийын. Мишкан калык Ф. Буляков шонымо мыскара, йомартле сем-влакым але мартеат сайын шарна.

Ме, Мишкан районысо калык, шкенан сылне гимнна дене кугешнен илена, а тудлан семым лач Флорид Буляков возен.

Кугарнян кастене РДК-ште «Поэтын умылен шуктыдымо чонжо» Ф. Буляковын шочмыжлан 70 ий темме вашеш эртарыме шарнымаш кас эртен. Мероприятийыште лўмлє драматургын ончычсо коллегыже-влак тудын чынжымак чолга шўдыр лиймыжым почын ончыктеныт. Пайрем концертыште И. Арсланов «Колон» мурым йо‰галтарен, Р. Саматова «Язсыш» мурым мурен, Кугу Шаде ялысе Культура пєртын «Ак шишме» фольклор коллективше «Канглы тукым гыч ўдырым ужатымаш» пошкырт калык йўлам ончыктен, 1 №-ан лицейыште туныктышо-влак «Бабинур, ах, Бабинур!» спектакль гыч ужашыжым модын ончыктеныт, «У илыш» марий калык театрын артистше-влак «Любишь – не любишь» спектакль гыч ужашыжым. Культура пашае‰-влак гыч шогышо хор «Мишкан – мыйын муро»

мурым сылнын йо‰галтарен. «Эрвел» куштышо калык ансамбль йомартле да чолга «Тывырдыкым» (Ф. Буляков тиде семлан нотым возаш полшен) куштен. Баянист Н. Бабичев Ф. Буляковын репертуарже гыч «Саратовские переборы» семым шоктен.

Пайрем концертым Р. Плотников Ф. Буляков нерген почеламут дене кошартен. Мероприятийым шкенжын выступленийже дене

Мишкан район МР администраций вуйлатыше Р. Мусин иктешлен. Шкенжын выступленийыштыже тудо Ф. Буляков районысо калыкын

шўм-чоныштыжо курымешлан кодмым палемден.

Алена ГРИГОРЬЕВА.