Культура дворецым уэмдыме

Культура дворецым уэмдыме

Мишкан районышто «Шочмо вер-шєрын культурыжо» проект илышыш шы‰даралтеш

Ке‰еж ше‰гелан кодо. Ты жапыште «Единый Россий» партийын «Раш паша», «Жаплан келшен толшо оласе средам формироватлымаш» проектше-влак полшымо дене эше икмыняр объектым олмыктымо да тўзатыме. Тиде проект-влакым шуктымаште, конешне, калыкын надырже кугу. Калык социальный объект-влакым олмыктымо пашашкат, корным тєрлымашкат ушнен. Тыге шагал огыл паша ышталтеш. Ынде изишак чоным кандараш лиеш. Тидын шотышто ме «Единый Россий» партийын верысе отделенийжым вуйлатыше Светлана Исмагилова дене мутланышна.

- Светлана Маратовна, калыклан жапым о‰айын да пайдалын эртарашыже йєн лийже манын мом ышталтеш?

- Партийын ик пашаже – Россий Федерацийын гражданже-влаклан культура учрежденийлашке коштын керташ йєным ыштымаш. Тиде йодыш поснак пўсын изи олалаште, селалаште да яллаште шога. Ятыр илемыште клуб деч посна нимогай культурный учреждений уке. Нуно иканаште музеят, театрат, яра жапым эртарыме рўдерат, калык творчествым вия‰дыме верат улыт.

Но Российыште ялысе клуб, йоча да тыглай театр-влакын 80 процентыштым олмыкташ, материально-технический базыштым

пе‰гыдемдаш кўлеш. Тыгай пашам южо вере пытартыш 50 ий йєршын ыштыме огыл.

«Единый Россий» партийын «Шочмо вер-шєрын культурыжо» проектше культура учреждений-влакын пашаштым саемдаш,

калыклан культура илышышке ушнаш йєным ышташ, йоча ден самырык-влаклан усталыкыштым вия‰даш полшаш виктаралтын.

- Рашрак лияш гын, тиде проект кышкарыште могай паша ышталтеш?

- Проект почеш ялласе, селаласе да изи олаласе (кушто 50 тўжем деч шагалрак е‰ ила) Культура пєрт-влак олмыкталтыт, уэмдалтыт, тыгак материально-технический базышт пе‰гыдемдалтеш.

2018 ийыште «Верысе культура пєрт», «Изи олаласе театр-влак» да «Театр-влак – йоча-влаклан» проект-влакым ик - «Шочмо вер-шєрын культурыжо» проектышке ушымо.

- Проект, чынжымак, кугу. Тудым илышыш пурташ окса кушеч ойыралтеш?

- Башкортостан Республикышке федеральный бюджет гыч 47 миллион утла те‰ге пурен. Башкортостан Республик бюджет гыч

эше 6,423 млн те‰ге ойыралтын, муниципальный бюджетла гыч – 2,815 млн те‰ге. 2017 ийыште проектыште республикыштына 32 муниципалитет участвоватлен гын, тений - 15. Участник-влак шагалеммаш федеральный полыш кугемме дене кылдалтын.

- Ме палена, тений «Верысе культура пєрт» проектыште Мишкан селасе Культура дворецат участвоватла, а тыште

творческий шўлышан, республикыштына ик эн сай коллектив пашам ышта.

- Чын. Культура пашае‰на-влаклан тау мутым ойлыман. Нуно мемнам тўрлє конкурс ден фестивальлаште се‰ымышт дене куандарен шогат. Но палемден кодыман: районысо Культура дворец ятыр ий сай аппаратурым ужын огыл ыле, а кызытсе саманыште тудын деч посна нимогай кугу мероприятийым эртараш ок лий. Тидлан кєра жаплан келшыше аппаратурым налаш полшаш лийме.

- Тачысе кечылан мом ыштыме?

- Паша шолеш. Аппаратурым налаш да вера‰даш 4 млн утла те‰гем ойырымо. Тиде окса дене волгалтарыше, музыкальный оборудованийым, кугу экранан проекторым налме. Кызыт монтажный паша шукталтеш.

- Тугеже вашке у обородуваниян залыште эшеат о‰айрак концерт-влакым ончаш тў‰алына?

- Туге лийшаш. Уэмдыме Культура дворецым у сезон почылтмо годым ужыда.

Фирдаус КАДИКОВА.