Корнышто сак лийза!

Корнышто сак лийза!

- Ме корнышто лийше э‰гек-влак нерген кажне кечын колына. ДТП-лаште ятыр е‰ сусырга да кола. А районыштына тений мыняр тыгай э‰гек лийын?

- 11 тылзе жапыште районыштына 22 ДТП лиймым рашемдыме, тушто чылаже 12 е‰ колен, 27 е‰ сусырген.

Машина-влак кок йолешкым тошкен пуштыныт: мартыште – Уялыште, июльышто – Ирсайыште.

- Игече, корно уда улмаш, конешне, машинам виктараш нелылыкым ыштат. Но вет аварий-влак корно ден игече уда улмо годым гына огыт лий.

- Чын лийыда. Тў‰ шотышто, аварий-влак лиймылан водитель-влак шке титакан улыт. Нуно утыж дене писын кудалыштыт, корнын уда улмыжым, игечым шотыш огыт нал. Тидлан кєра корно гыч лектын каят да машинашт дене кумыкталтыт. Тыге 8 е‰ын илышыже лугыч лийын. Транспортный средствам йўшє вуя виктарыме случай-влакат лиедат. Водитель-влак эре ала-кушко вашкат. Тений ончылно кайыше машинам эсап деч посна эрташ тыршыше кок водитель машина дене ваштареш полосашке лектын. Тыге эше кок илыш лугыч лийын.

- Районыштына аварий-влакын чотышт шагалемже манын, могай паша ышталтеш?

- Арня еда профилактический мероприятий-влак эртат, тушко пўтынь личный состав ушна. Арняш кум гана корнышто водитель-влак тергалтыт. Идалык жапыште «Йолешке», «Автобус», «Ваштареш полоса», «Шекланыза – йоча-влак», «Айык водитель» профилактический мероприятий-влак эртаралтыныт. 11 тылзе жапыште 83 йўшє водительым кучымо. Тугеже лийын кертшашлык 83 аварийым кора‰дыме манын кертына.

- Вашке теле каникул тў‰алеш. Те ты жаплан ача-ава-влаклан могай ка‰ашым пуэда? У ий пайрем-влак годым нуно мом ыштышаш улыт?

- Ондак, йоча-влакым шкеныштын урем ден корнылаште кодыман огыл. Йоча-влак модмышт годым чыла мондат да корнышто коштшо машина-влакым шотыш огыт нал, сак огыт лий. Пычкемыште, лўдыкшым кора‰даш манын, вургемышкышт волгыдым пєртылтышє элемент-влакым пижыктыман.

Йоча-влаклан корнышто коштмо правилым туныктыман. Нуно корно тўр дене ваштареш толшо машина-влак могыр дене ошкылшаш улыт. Шым ияш марте йоча-влакым машинаште посна устройство-влак дене шынден кондыштарыман, чыланат лўдыкшым кора‰дыше ўштє дене ўштылалтшаш улыт.

Фирдаус КАДИКОВА.