Корно шерге, а жаплымаш эше шергырак

Корно шерге, а жаплымаш эше шергырак

Урьяде сельсовет сельский поселенийыште корным олмыктат

Ял калыкын илышыжым саемдашлан эн ондак сай корным ыштыман. Но ыштымекат, тудым тєрлен да олмыктен шогаш шагал огыл окса кўлеш.

Урьяде сельсовет сельский поселенийыштат сўрет вашталтышым йодеш. Калык ынде ятыр ий сай корно укелан вуйым шиеш – кеч Урьяде марте асфальтым вакшаш йодеш. Яллаштат корным олмыкташ кўлеш. Тидлан кєра сельский поселений вуйлатыше Раик Загитов корным олмыктымо шотышто калык погынымашым эртарен. Погынымашке район Совет депутат Анфир Фатхинуровым ўжмє. Урьяде, Совай да

Янагуш яллаште илыше-влак тудын дечын корным олмыкташ полшаш йодыныт.

- Янагуш ялысе Степная, Трактовая, 9 Мая урем-влакым олмыкташ сельский поселений бюджет гыч 100000 те‰гем ойырымо, - палдарен Раик Загитов. – Чаманаш кодеш, бюджет поян огыл, сандене мыланна полышым йодаш пернен. Сельский поселений калык лўм дене

район администраций вуйлатыше Рустам Мусинлан да район Совет депутат Анфир Фатхинуровлан тау мутым ойлем. Нунын полшымыштлан кєра, районын бюджетше гыч Урьяде ялыште корным олмыкташ 100000 те‰гем, Совай ялыште корным олмыкташ 100000 те‰гем ойырымо.

Тиде окса дене Урьяде ялыште Партизанский урем, Орджоникидзе, Фатхинуров урем-влакын ужашышт, Совай ялыште Гафурийский, Первомайский, Телеграфный урем-влак олмыкталтыт. Тыгак Мишкан села гыч индивидуальный предприниматель Альберт Петровлан тау мутым ойлымо шуэш. Тудо техника дене полшен шога. Юмылан тау, сай материалан карьер тораште огыл верланен. Ке‰еж мучаште игече

вашке вашталтын кертеш. Сандене пашам вашкерак пытараш тыршена. Чумыр вийна дене корным лишыл жапыште олмыктышаш улына.

Ялласе изи уремлашке транспорт шуэн пура. Туге гынат, корным туштат олмыктыман. Корным олмыктымеке, калыкын кумылжо нєлтеш. Корно, конешне, экшык деч посна кошташ йєным ышта да тидлан кєра шерге улеш. Но тудын деч коч верысе властьын ял калыкым жаплымыже шерге.

А власть калыкым шотла гын, илыш умбакыже шуйна.

Фирдаус КАДИКОВА.