Корно - 10 кече жапыште

Корно - 10 кече жапыште

Корным официально почмо лўмеш погынымаш 19 сентябрьыште 17.00 шагатыште ялысе клуб воктене эртен. Ты мероприятийыш толшо-влакым верысе артист-влак весела муро да кинде-шинчал дене вашлийыныт.

Ялыште корным Верысе инициативылан полшымо программа дене ыштыме.

Кум уремыште корным олмыктымо - Ленин, Новостройка, Полевая. Чумыр кужытшо 1900 метр. Корным ышташ тендерым «Бирск-Плитка» ООО (В. Александров) се‰ен.

Тиде кечын ял калыкым у корно дене саламлаш Мишкан район администраций вуйлатыше Р. Мусин, Мишкан сельсовет СП вуйлатыше Р. Ишмакаев, Мишкан район МР совет председатель С. Александров, район администраций вуйлатышын чо‰ымо паша да жизнеобеспечений шотышто заместительже В. Ханов, финанс управленийын начальникше З. Шамсутдинова толыныт.

Район администраций вуйлатыше Р. Мусин ял калыкым корным олмыктымо паша пытыме дене саламлен да тудо кужу жап калыклан служитлаш тў‰алеш манын палемден.

- Мый шкемымат ты ял гыч улмылан шотлен кертам, - каласен тудо. - Вет 13 ий пырля пашам ыштенна, икшывына-влак тыште кушкыныт, йоча садыш, школыш коштыныт. Ялыште корно начар лийын, тудо шукертак олмыктымым вучен. Теве ынде вучен шуктышна. Ынде нине

уремла дене ласкан ошкылаш гына огыл, а кеч-могай машина дене лўдде кудалаш лиеш.

- Мый инициатива дене лекмыланда, варажым полшымыланда кугу таум каласем, - каласен Мишкан сельсовет СП вуйлатыше Р. Ишмакаев. - Поснак инициативный группым палемдыме шуэш, вет нунылан эн неле пашажым шукташ логалын - е‰-влаклан умылтараш, оксам погаш. Уло кумылын у корно дене саламлем да тендан ялыштыда тиде пытартыш объект огеш лий манын ўшанен кодам.

Р. Ишмакаев шке выступленийжым корным чо‰ымаште тыршыше-влаклан, инициативный группылан Тауштыме серыш-влакым кучыктымо дене иктешлен. Ял калык лўм дене администраций вуйлатыше-влаклан, «Бирск-Плитка» ООО-н пашае‰же-влаклан, поснак тудын вуйлатышыже, мемнан землякна В. Александровлан тау шомакым ял староста В. Егоров ойлен. Йошкар лентым пўчкаш Р. Мусин ден Р. Ишмакаевлан ўшаныме.

Пайрем кумылым РДК пашае‰-влак И. Саликаева ден М. Салимов сылне мурышт дене нєлталыныт.

Венера АГЛЯМОВА.