Корак ялыште обелискым почмо

Корак ялыште обелискым почмо

Тыгай сооруженийым чонымаш – Кугу Отечественный сарын участникше-влакым, илышыштым чаманыде шочмо элнам аралыше-влакым жаплымаш

Кугу сарын тулжо 73 ий ончыч йєрен, туге гынат калыкын шўм-чонжо але мартеат мучаш марте эмлалтын да ойго мондалт шуктен огытыл.

Ме идалыклан икмыняр гана уэшын нине шучко ий-влакым, шочмо элнам аралыше, Се‰ымаш верч вуйыштым пыштыше геройна-влакым шарналтена.

Районыштынат калык тиде сарым шарнен да ветеранна-влакым жаплен ила. Идалык еда, манаш лиеш, могай-гынат ялыште у обелиск почылтеш. Тений Се‰ымаш кече вашеш Корак ялыштат Кугу Отечественный сарын участникше-влаклан лўмлалтше обелискым почмо.

Тудым «Верысе инициативылан полыш программа» почеш чо‰ымо.

Тиде кечын памятник воктене Корак ял калык веле огыл, тыгак пагален ўжмє уна-влакат погыненыт. Лентым пўчкаш чапым Монар сельсовет сельский поселений администраций вуйлатыше В. Захаровлан, Мишкан да Бурай рйонласе военный комиссариатын представительже

О. Саликовлан, районысо ветеран-влак Советын председательже Ю. Балахниналан пуымо.

Ял калык ден уна-влакым чапле событий дене Мишкан да Бурай районласе военный комиссариатын представительже О. Саликов, Мишкан район МР Совет секретарь Т. Коледина, районысо ветеран-влак Советын председательже Ю. Балахнина,

Монар сельсовет сельский поселений администраций вуйлатыше В. Захаров, Мишкан район МР Совет депутат С. Баязитова саламленыт.

Корак ял калык лўм дене верысе ветеран-влак советын председательже В. Ташбулатова ойлен. Тудо обелискым чо‰ышо да чо‰аш полшышо-влаклан чылаштланат чон гыч лекше тау мутым ойлен.

- Тиде сар кажне ешлан ятыр ойго ден шўлыкым конден. Се‰ымаш верч ме пеш кугу акым тўленна. Корак ял гыч нацист-влак дене кредалаш 172 е‰ каен, нунын кокла гыч 80 е‰же шочмо суртышкыжо пєртылын огыл. Ме, конешне, эртыше жапым пєртылтен да историйым

вашталтен она керт. Но кредалмаш пасушто вуйыштым пыштыше да Се‰ымаш дене пєртылшє землякна-влакым шарнен да жаплен илышаш улына, - каласен тудо. – Обелиск тидым ышташ ик эн сай йєн. Тидлан кєра тиде кечын тудым чо‰аш полшышо да тиде пашаште надырым пыштыше район, сельский поселений администраций-влаклан, ял калыклан, инициативный группылан, подрядчик-влаклан

чон гыч лекше тау мутым ойлем. 1941 – 1945 ийласе Кугу Отечественный сарын участникше-влаклан обелискым чо‰ымаште пале надырым

пыштымылан да сельский поселенийын илышыштыже чолган участвоватлымылан Корак ялыште илыше-влак Р. Шамагулов, В. Шамагулова, Ю. Парсаев, В. Мурадымов, А. Николаев, Р. Григорьев, Л. Игнашевам тауштыме серыш дене палемдыме. Сар ийлаште тылыште

тыршыше-влакымат мондымо огыл – А. Кутлукаев ден М. Килинбаевалан изирак пєлекым кучыктымо.

Тылеч вара памятник ончыко пеледыш аршашым пыштыме. Обелиск воктене возалтмаш деч вара уна-влак ден ял калыклан пайрем концертым ончыктымо.

Алена ГРИГОРЬЕВА.