Комсомол организацийын юбилейже лўмеш

Комсомол организацийын юбилейже лўмеш

Волгыдо самырык жапем нерген шарнымаш

Комсомол движений ожсо жапеш кодын, но тудын нерген шарнымаш але мартеат чоным волгалтара да ырыкта. Вет ме тунам шке верч веле огыл, ондак шочмо элна верч иленна да тыршенна.

Мый комсомол организацийын Мишкан районысо комитетыштыже секретарь лийын 80-ше ийлаште ыштенам, школ пєлкам вуйлатенам. Пионер, комсомол организаций-влакын пашаштлан мутым кученам. ВЛКСМ РК-ан коллективше кугу лийын огыл. Туге гынат, пашам келшен ыштымаш сай лектышым пуэн. 1-ше секретарьна Валерий Тимиргалиевич Байбулатов ыле. Ме тудым дисциплиным пе‰гыдын эскерыше, чолга да творческий шўлышан е‰ семын паленна. Идеологический пашам Анатолий Сергеевич Ишалин вуйлатен. Тудо сай художник ыле, калык дене устан мутланен да возен моштен.

Комсомол пашашке о‰айлык ден у шўлышым лач тудо пуртен. Мемнам кумыла‰ден шоген. Ялласе комсомол организаций-влакын пашаштым орготдел вўден. Тушто Алексей Александрович Саликаев ден Винер Фанилович Фатхинуров ыштеныт. Нуно шке пашаштым

сайын паленыт да ялласе самырык-влак дене ик ойым муын моштеныт. Финанс шотышто секторым Лена Тимерханова Сахибгареева вуйлатен. Тудым райком коллектив веле огыл, тў‰алтыш комсомол организацийлаштат чылан пагаленыт.

Пашанам шукташ тыгак делопроизводитель Зухра Гафарова, шофер Ралиф Лутфиев да технический пашае‰ Соня Садикова полшеныт.

Мыйын пашам моткоч о‰ай да шуко шєрынан лийын. Ме старший пионервожатый ден тунемше да туныктышо организаций секретарь-влакым туныктенна, патриотический сынан мероприятий-влакым (плакат конкурс, тўрлє погынымаш, зарница модмаш, пионер слет, субботник-влакым) эртаренна. Мутлан, 1983 ий мучаште Уфа оласе «Ивушка» турбазыште школ комсомол организаций секретарь-влакын слетышт эртен. Тушко республикын чыла районлаж гычат 200 наре комсомолец толын. Ме тышечын Таисия Мишинкина (Ирсай кыдалаш школысо комсомол организацийын секретарьже), Ирина Андрианова (Кугу Соказа кыдалаш школ), Сергей Нуриев (Мишкан кыдалаш школ) миенна. Мемнан «Альтаир» отрядыште 30 е‰ лийын. Чылаже 6 отрядым погымо. Слет тўрлє модмаш, конкурс, писатель-влак дене вашлиймаш, комсомол муро-влакым мурымаш, собранийым эртараш туныктымаш гыч шоген. Пєртылмеке, ме шинчымашна дене йолташна-влак дене пєлалтынна да пашам у вий дене ыштенна.

Мый эше ик мероприятийым нигунам ом мондо. Тудым А. С. Ишалин шонен луктын. 1984 ий 9 майыште кастене Мишкан селашке районысо школласе пионер дружина гыч шўдє утла барабанщикым кондымо да РДК ончылно чумырымо. Нуно строй дене, барабаным кырен, Ленин, Октябрьский, Мир да Спортивный уремла дене эртеныт. Селасе калык, тиде йўкым колмеке, виклан уремышке куржын лектын. Тиде мероприятий Кугу Отечественный сарыште кредалше салтак-влаклан лўмлалтын. Тылеч мотор парадым Мишкан

селаште мый нигунам ужын омыл.

Чаманаш кодеш, СССР шаланымеке, йоча да самырык организаций-влакым шалатыме, а олмешыже вес организацийым чо‰ымо огыл. А вет йоча ден самырык-влакым воспитатлыме паша нунын дечын моткоч кугун шога.

Вера УСКОВА.