Колызо-влак танасеныт

Кажне ийын Ирсай сельсовет сельский поселенийыште «Колызын кечыже» конкурсым эртарат.Тений ты конкурсыш 47 е‰ толын. Та‰асымаште Бирск ола гычат колызо-влак лийыныт.Старт 11 шагатат 30 минутышто пуалтын. Судья-влакым ончылгоч палемдыме - Сергей Ташпаев ден Петр Ибатуллин.Нуно конкурс эртымым тўткын эскереныт. 50-ше минутышто Семен Яшпаев икымше колым кучен. Тудо 110 грамм нелгытан да 12 сантиметр кужытан лийын.Палемден кодаш кўлеш, колым кучымаш районышто кугу интересым луктеш. Кажне ийын кол кучымашке Ирсай, Кўшыл Шогертен, Арзамат, Нерге ялла гыч толыт. Теве нунын лўмышт - Е. Масаев, В. Павлов, С. Яншаев, Е. Самниев, А. Агеев, Д. Губеев, А. Баймурзин, В.Захаров, С. Янгубаев да молат.Тений мемнан деке Корак гыч колызо-влак Е. Николаев да Парсаевмыт еш толыныт. Юра ден Владиславым конкурсант-влак спискыш пуртымо, а молышт полшышо группыш логалыныт. Тидын дене колызо-влакын та‰асымашышт пытен огыл. Эртыше конкурс ямдылалтме этап семын лийын. Тўнямбал ўдырамаш кече лўмеш 8 Мартыште Кўшыл Шогертеныште конкурсым эртараш палемдыме. Тудо 11.00 шагатлан тў‰алеш.