Кок тукым вашлийын

Кок тукым вашлийын

25 майыште Пўрємучаш школышто кок тукым выпускник-влак вашлийыныт

Шочмо школышто 1968 ийысе да 2018 ийысе выпускник-влак вашлийыныт. Погынышо-влакым школын завучшо И. Ибаев саламлен. Тудо таче школ кузе илыме, выпускник-влакын тунеммаште, спортышто, художественный самодеятельностьышто, школ музейын пашаштыже се‰ымашышт нерген ойлен.

Тений школым тунем пытарыше кажне выпускник дене палдарен. А нунышт латиктын улыт. Нуно мыланна, кугурак тукымлан, музыкальный номерлам пєлекленыт. «Школьный вальс» муро йо‰галтмеке, чоннам шўлык кумыл авалтен. Нуным ончен, шкенан школ годсо жапнам

шарналтенна. Школын выпускникше-влак дене вашлиймашке 13 е‰ толын (тунам школ кандашияш лийын), ныл е‰ черле улмыжлан толын кертын огыл, тунамсе лу выпускникна илыш дене чеверласен. Мемнан классыште чылаже 27 ученик лийын.

Тургыжланымаш, шинчавўд, шыргыжмаш, вашла єндалалтмаш, пеледыш, куанле ой-влак.

Южыжо икте-весышт дене 50 ийлан икымше гана вашлийыныт да пырля тунемме йолташыштым паленат огытыл. Жап мемнам ок чамане.

Мемнан коклаште шерге уна, Пўрємучаш школын ончычсо директоржо Дмитрий Яметов лийын. Тудлан ынде 85 ий, но ончычсыж гаяк чолга, илышлан куаныше да моткочак чулым улеш. Тудо школ илыш гыч ятыр о‰ай сўретым шарналтен, весела такмак-влакым муралтен, шке возымо почеламутшым лудын да мемнан школын выпускникше, писатель Анатолий Бик нерген ойлен.

Пытартыш 50 ий жапыште выпускник-влакын илышыштышт шуко вашталтыш лийын. СССР лўман эл йомын, но ешыште, школышто, обществыште налме поянлыкна - шочмо элым, шочмо школым йєратымаш вашталтын огыл.

Кок тукымысо выпускник-влак Козаш да Пўрємучаш ялла гыч Кугу Отечественный сарыште кредалше-влак лўмеш шогалтыме обелиск деке пеледышым пыштеныт. Толшо-влак илыш дене чеверласыше туныктышо, пырля тунемме йолташыштым ик минут шып шоген шарналтеныт.

1968 ийысе выпускник-влак элнан чын гражданинже лийыныт. Нуно строитель, педагог, медик, механизатор, водитель, бухгалтер, инженер, экономист, электрик лийыныт, металлургический комплекс да заводлаште пашам ыштеныт.

50 ий ончычсо выпускник-влак школлан да тачысе выпускник-влаклан пєлекым ыштеныт да Пўрємучаш школын тунемшыже-влаклан йодмашан серышым возеныт: школышто аттестатым да дипломым налшашлан гына огыл, а пе‰гыде шинчымашым налшашлан тунемман. Поянлык огыл, а паша ончыл верыш лекшаш. Шке семын илышыште вашлиялтше задача-влакым решатлаш да тудлан мутым кучаш тунемман.

Вашлиймашке толшо кажне е‰же школ деч вара могай илышым эртымыже нерген кўчыкын каласкален. Кажныже илышым арам огыл илен эртарыме, ятыр поро пашам шуктымо нерген ойлен: икшывышт уло, уныкашт кушкеш. Пиалым шукынжо ешыште, тазалыкыште, йєратыме пашаште ужыт.

Таче ятыр выпускникше сулен налме канышыште улеш. Уныка-влакым воспитатлаш полшат, ончычсо гаяк оптимист улыт, эрласе сай илышлан ўшанат. Пырля эртарыме ик кечына нигунам мондалтдыме событий семын шарнымаштына илаш тў‰алеш.

Б. ЯНИКЕЕВ, 1968 ийысе выпускник.