Книга тўнян озаже

Книга тўнян озаже

Любовь Алексеевна Исадыкова 36 ий школ библиотекын озаже улеш

А ты пашашке тудо вик толын огыл. Библиотека омсам оза семын почаш тў‰алмешкыже 7 ий пионервожатыйлан ыштен.

Вара школ библиотекым вуйлаташ ўшаненыт.

Тунам эше 1 №-ан Мишкан кыдалаш школ лийын. Библиотекыште пашам ышташ тў‰алмекыже гына тиде профессийын поснак ойыртемалтше улмыжым пален налын. Икымше классыш толшо да буква-влакым палыше изи йоча-влакым книга тўняшке эн ончычак библиотекарь пурта.

Кунам икымше классыште тунемше-влак библиотекыш возалташ толыт, чонлан моткочак сай чучеш. «Тиде жапыште профессиональный чон ласкалык шижылтеш, - ойла Любовь Алексеевна. - Вет лач библиотекарь йоча-влаклан пеш кугу информаций толкынышто чын корным муаш

полша».

Любовь Алексеевна - талантан, творческий айдеме улеш. Тудын эре у идей, о‰ай проект-влак улыт. Тудо эре творчески кычалмаште улеш. Тематический книга выставка, библиотекыште эртарыме урок, экскурсий, лудшо-влакын конкурсышт, литературный унагудо, тўрлє кас да

беседа-влак, лудмо конференций, устный журнал, медия-экскурсий - тиде библиотекарьын шуктымо пашажын ик ужашыже гына. Тудо тўрлє конкурс ден проектлаште чолган участвоватла.

2010 ийыште Любовь Алексеевна «Башкортостан Республикын эн сай школ библиотекарьже» республиканский конкурсышто участвоватлен. Тиддеч ончыч конкурсын муниципальный этапыштыже се‰ен, зональный этапыште 2-шо верым налын, республиканскийыште «Информационный культурым ыштымаш» номинацийыште се‰ен. 2011 ийыште «Башкортостан Республикысе образованийын отличникше» знак дене наградитлалтын. Любовь Алексеевнан Образований министерствын, район администрацийын, образований отделын пуымо грамотышт-влак пеш шуко улыт.

Любовь Алексеевналан библиотека шукертак шочмо суртышкыжо савырнен. Тудо кажне кечын уна-влакым вашлияш ямдылалтеш. А уналан тудо кажне лудшым шотла. Садланак тышке е‰-влак куанен коштыт. Любовь Алексеевнан тыршымыжлан кєра школ библиотека мер илышын рўдерышкыже савырнен. Тыште тунемшыланат, туныктышыланат моткоч сай. Вет эре поро кумылын, шыргыжын вашлийыт, колыштыт да пайдале ой-ка‰ашым пуат, шуко информаций гыч чынжым ойырен налаш полшат. Тунемше-влак тудым йєратат да пагалат. Коллективыште кугу пагалымашым сулен налын. «Пашаш толмо годым волышо кумылем библиотека омса вес велан кодем, - чон почын ойла

Любовь Алексеевна. - Библиотека «чоным эмлышылан» шотлалтеш.

Лудшо могай кумыл дене толмо мылам садак огыл. Сандене чылашт деке чытышан лийман». Любовь Алексеевна - шке пашажын профессионалже улеш. Кўлеш литературым тудо тыманмеш муеш, а тидыже туныктышо-влаклан пеш келша. Вет нунын жапышт моткоч шыгыр.

Тудо школ деч вара туныктышо лияш шонен. Шонымашыже шукталтын: библиотекарь улеш, тидын годымак шкенжым туныктышылан шотла, вет эре йоча-влак коклаште улеш. Кажне кечын педагог-влак дене пырля пашам ыштышыла тудо педагогический технологийым тунемеш

да тудым библиотека пашаштыже кучылтеш.

Флорид Буляков лўмеш 1 №-ан школ-лицейын библиотекыже - тиде информаций рўдер, айдеме чоным пойдарыше вер. Библиотекын пашаже кумда, вет тудо школ илышын чыла шєржымат авалта. Любовь Алексеевна школ мероприятийым эртарыме годым полша да чўчкыдын шкеже эртара. Шуко мероприятийже тунемме процессым умбакыже вия‰даш полша. В. Железняковым, Б. Васильевым, В. Астафьевым, И. Крыловым да моло-влакым лудмаш поро йўлашке савырнен. Любовь Алексеевнан пашам моштен организоватлымыже

мемнан лицейыште библиотека полышкалыше структура огыл, а тудым вия‰дымаште пеш кўлешан вер улеш.

Любовь Исадыкова - сай ава, йєратыше кувава да уста оза вате улеш. Школ да библиотека деч вара суртыштыжо тырша. Тудо пеш шуко рецептым пала, тамлын шолта, сад ден пакчам онча, пеледыш-влакым кушта.

Е. ВЕТЛИНА.