Кидыштыже пу чонаҥеш

Кидыштыже пу чонаҥеш

«Уфа-Ладья. Арт. Ремесла. Сувениры», визымше выставка-фестиваль БР правительство, БР-се промышленность да инновационный политика министерство, БР-се калык художественный промысел ассоциаций да Башкирийысе выставка компаний чумыр Россий гыч уста-влакым чумырен.

Тений тиде творческий форумышто Башкортостанысе 52 район гыч 350 мастар да Российын 19 регионжо гыч уста-влак лийыныт. Тений икымше гана ты фестивальыште Татарстан да Киров кундем-влак участвоватленыт. Белоруссий гычат мастар-влак шке пашаштым ончыкташ толыныт.

Тиде выставка-фестифаль 2020 ийысе «Тўнямбал фольклориадылан» ямдылалтме кышкарыште эртен. Тиде выставка-фестивальыште мемнан район гыч изак-шоляк Рим ден Дим Галимовмыт участвоватленыт.

- Фестивальым почмаште Лилия Гумерова (Федераций Советын Наука, образований да культура шотышто комитет председательын заместительже), Раиль Асадуллин (БР-се Государственный Погын - Курултайын Образований, культура, молодежный политика да спорт комитетшын председательже), Амина Шафикова (БР-се культура министр),

Алексей Карпухин (промышленность да инновационный политика министр), Геннадий Дрожжин («Российысе калык художественный промысел» ассоциаций правленийын председательже), Зухра Исмагилова, (БР-се калык художественный промысел ассоциацийын председательже) да молат лийыныт.

Шкеж нерген ойлаш да моктанаш йєратыдыме Рим Финатович моло-влакын пашашт нерген шукырак ойла, а шкеже 30 утла пашам намиен да «Мастер золотые руки» конкурсышто се‰ышыш лектын. Уста пашаже сайын аклалтын, 30 тўжем те‰геаш сертификатым налын.

Ме Рим Финатовичым тыгай се‰ымашыж дене шокшын саламлена.

Фирдаус КАДИКОВА.