Кагаз дене але электронный?

Кагаз дене але электронный?

2017 ий 1 июль гыч страховатлалтше е‰-влакын кумылышт да йодмашым возымышт почеш Мишкан рўдє районный больница пашам ыштен кертдыме нерген кагазым (больничный лист) электронный йєн дене пуаш тў‰алын

Пытартыш жапыште больничный листым электронный йєн дене оформитлаш тў‰алыныт. Мо дене тудо кагаз дене пуымо больничный деч ойыртемалтеш да пайдаже уло мо? Тидын нерген ме Мишкан рўдє районный больницын поликлинникыжым вуйлатыше Светлана Сухарева дене мутланена.

- Светлана Леонидовна, пашам ыштен кертдыме нерген пуымо кагаз ден электронный вариантше ик кўкшытыштак улыт мо?

- Жаплан пашам ыштен кертдыме, мўшкыран улмо да азам ыштыме деч вара пуымо больничный лист почеш е‰-влаклан окса тўлалтеш. Але марте больничный лист эре кагаз дене пуалтын. А ынде граждан-влакын келшымышт почеш электронный йєн дене тидым ышташ лиеш. Тудым страховщикын информационный системышкыже (Россий Федерацийын социальный страхований фондшо), медицина пашае‰ын да медицинский организацийын электронный подписьышт дене пе‰гыдемдыме, вера‰далтеш. Кагаз дене пуымо да электронный йєнан больничный лист ик кўкшытыштак улыт.

- Больничный листым электронный йєн дене возымаште нелылык лектын кертеш мо?

- Тидын шотышто азапланаш амал уке. Вет Россий правительствын 2017 ий 16 декабрьысе 1567 №-ан пунчалже дене страховщикын, страховательын, медицинский организацийын да медико-социальный экспертиза учрежденийын больничный листым электронный йєн дене колтымо шотышто информацийым пуымо правилым пе‰гыдемдыме.

Больничный листым электронный йєн дене пуышашлан страховательын Интернетыште вера‰дыме личный кабинетше гоч (hnnps:// cabinets. fss/ insurer/.), тыгак шке ямдылыме программа дене колташ лиеш.

Больничный листым электронный йєн дене ыштыме годым пашам пуышо шке пашае‰жын СНИЛС номерже дене страховатлалтше е‰ын электронный больничный листын номерже почеш йодеш.

Больничный листым пуымо нерген уверым налмеке, пособийым пуаш кўлмє нерген тў‰ бухгалтерын, организаций вуйлатышын да страховательын электронный подписьышт дене пе‰гыдемдыме уверым пуат.

- Больничныйым налше пашае‰-влак мыняр оксам налшашышт нерген ончылгоч пален кертыт мо?

- Тидым Личный кабинетышке пурен, кеч-могай жапыште пален налаш лиеш. Тидланже лач логин ден парольым гына палыман.

- Тугеже электронный больничный лист йомеш манын лўдшаш уке?

- Конешне. Ынде больничныйыште лийше пашае‰ больничный листшым йомдарен, локтыл кертме шотышто огеш азаплане. Пашам пуышо-влакланат кагаз дене пуымо больничный листым аралыме верч колянышаш ок лий.

- Пашам пуышо-влаклан электронный больничныйын пайдаже уло мо?

- Электронный больничный гоч обязательный медицинский страхованийын виш улмыжо коеш. Пашам пуышо-влаклан кагаз дене пуымо больничный листым аралышашышт огеш лий. Вет электронный больничный Фонд системыште аралалтеш. Страхователь тудым тўрлє текшырымаш годым ик гана веле огыл йодын кертеш.

Фирдаус КАДИКОВА.