Изи айдемылан сандалыкым шымлымаш туныктышо гыч тў‰алеш

Изи айдемылан сандалыкым шымлымаш туныктышо гыч тў‰алеш

Школышто йоча-влак икте-весышт дене кылым кучаш тунемыт. Тыште нуно личность семын вия‰ыт, койыш-шоктышыштым таптат. Йоча-влаклан чын айдеме лияш туныктышо-влак полшат. Нуно сай ден удам, поро ден осалым ойыраш, е‰ым чаманаш, моторлыкым аклаш, шочмо кундемым йєраташ туныктат.

Тў‰алтыш класслаште туныктышо-влак дечын эше шукырак шога. Вет изи айдеме ондак нунын деке логалеш. Юмылан тау, нунын коклаште уста да шке пашаштым уло кумылын йєратыше туныктышо-влак ятырын улыт. Нунын кокла гыч иктыже – Светлана Ивановна Аделшина.

Светлана Ивановна йоча-влакым уже 32 ий туныкта, 29 ий – тў‰алтыш класс-влакым. Тудо о‰ай, волгыдо чонан айдеме да сай туныктышо улеш. Тудын деке ятыр е‰ ка‰ашым йодын мия. Икманаш, туныктышо тулото семын йырже изи да кугу айдеме-влакым чумыра.

Школышко пашаш толмекыже, шкаланже виклан рашемден – шыргыжмаш вурсымаш деч виянрак. Йоча-влак дене тудо эре тыматле койышан да поро улеш, тидын годым пе‰гыдын йодеш. Ойжо почеш, туныктышо тунемшыже-влакым сад оза пеледыш-влакым ончымо семын ончышаш. Светлана Ивановна ўдыр-эрге-влакым тунемаш да поро пашам ышташ, шочмо вер-шєр ден пўтынь элнам йєраташ, йылмына, йўлана да историйна дене кугешнаш кумыла‰ден мошта.

Туныктышо кугу верым тунеммашлан веле огыл, тыгак урок деч варасе пашаланат ойыра. Нунын дене пырля пўртўс ден музейлашке экскурсий, поход дене коштеш, о‰ай внеклассный мероприятий-влакым эртара. Йоча-влак художественный творчество кружоклашке кошташ, концерт ден агитбригадылаште участвоватлаш кумыла‰да. Вет йоча-влак куштымышт, мурымышт, модмышт, почеламутым лудмышт годым калык коклаште шкеныштым кучаш, вийыштлан ўшанаш тунемыт да личность семын вия‰ыт.

Светлана Ивановна йєратыме пашажланат жапым муеш. Яра жапыштыже чоныжлан келшыше книгам лудеш, отпуск жапыштыже путешествийыш коштеш, каныш кечылаште – концертный залышке, а кумылжо вола гын – калык мурым мура.

Тудо изинек искусствым йєрата. Кемий ялын мер илышыштыже чолган участвоватла. Пайрем-влак годым чўчкыдын вўдышє лиеш.

Педагогический институтыш тунемаш пурымыж годым тудо туныктышын пашажым сайын пален. Но ўдыр нелылык дечын лўдын шоген огыл, вет алал кумыл чыла пашамат се‰аш полша. Туныктышо шкенжын пашаж дене тидым пе‰гыдемден.

Светлана Ивановна, тендам алал кумылын эртыше пайремда да чапле юбилейда дене саламлена! Пе‰гыде тазалыкым, чолгалыкым, илышлан ўшаным да суапан илышым тыланена!

Л. КАРИМОВА, Кемий ялысе школын директоржо.