Ийгот мыланна чарак огыл

Ийгот мыланна чарак огыл

Районысо ветеран-влак совет президиум 2018 ийлан паша планыштыже таза илыш-йўлам кучымо шотышто икмыняр мероприятийым эртараш палемден

23 февральыште ветеран-влак совет районысо физический культура, спорт, туризм да молодежный политика шотышто комитет ден пырля пенсионер-влак коклаште шашке да шахмат дене турнирым эртарен.

Тушто Нерге, Ирсай ялласе, ОМВД-н, район администрацийын тў‰алтыш ветеран организаций-влак чолган участвоватленыт, тыгак 2 №-ан школын, 1 №-ан лицейын, «Мишкан ПЖКХ» ООО-н, рўдє районный больницын, ДРСУ-н, Чорай сельсовет СП-н тў‰алтыш ветеран организаций-влакын представительышт лийыныт.

Та‰асымашын тў‰ судьяже-влак Валерий Шамаев ден Михаил Байметов турнирым сайын эртараш чыла йєным ыштеныт. 2 шагат талын модмо деч вара се‰ыше-влак рашемыныт, нуно дипломым да медальым налыныт. Шахмат дене модмаште се‰ышыш лектыныт: ўдырамаш-влак коклаште 1 вер - С. Антонова (2 №-ан школ), 2 вер - Е. Андрюшкина (Нерге ял); пєръе‰-влак коклаште 1 вер - М. Байметов (Нерге ял), 2 вер - А. Мугалимов (рўдє районный больница), 3 вер - Г. Зайнетдинов (Чорай сельсовет СП).

Шашке дене модшо-влак коклаште ойыртемалтыныт: Е. Андрюшкина (Нерге) - 1 вер, А. Русиева (Ирсай) - 2 вер, З. Николаева (ПЖКХ)

- 3 вер; пєръе‰-влак коклаште 1 вер - С. Яваев (Ирсай), 2 вер - В. Шакмаев (Ирсай), 3 вер - Г. Изибаев (Нерге ял). Апрельыште пенсионер-влак коклаште теннис да пневматический винтовка дене лўйкалымаште, 26 майыште городошный спорт дене та‰асымаш-влакым эртараш палемдыме.

27 сентябрьыште, Илалше-влакын кечышт вашеш, спорт пайремым эртараш шонена. Тушто кумылан чыла е‰ участвоватлен кертеш. Тыгак Мишканыште, Кемийыште, Кугу Соказаште, Кўрзеште, Ирсайыште эмлыме гимнастикыш возалташ лиеш.

Компьютер дене пашам ышташ тунемме группыш набор мия.

Мишканыште кушкыжмын да изарнян 15.00 шагатыште «Триумф» ФОК воктене скандинавский йєн дене кошташ йєратыше-влак (вуйлатыше Т. Самойлова) чумыргат. Кажне вўргечын ончычсо 1 №-ан кыдалаш школын зданийыштыже 14.00 шагатыште «Рукодельница» клуб (вуйлатыше Л. Ашиева) пашам тў‰алеш.

Кумылан-влакым пагален ўжына!

Ю. БАЛАХНИНА.