Илышыже техника дене кылдалтын

Илышыже техника дене кылдалтын

Ик поро кечын мыланем ончычсо йолташем – Ефим Шамратович Шамратов йы‰гыртыш. Корным чо‰ымо пашан ветеранже ончыч пашам пырля ыштыме йолташыже – механик Виктор Семенович Балахнин нерген возаш йодо. Тидлан амал уло – шукерте огыл Российысе корно озанлык пашае‰-влакын кечышт эртен.

Ефим Шамратович коллегыжым арам огыл шарналтен. Нуно коктын ятыр ий тыршеныт. Ту жапыште Е. Шамратов Мишкан ДСПМК-ам вуйлатен, а Виктор Семенович тудын пурла кидше лийын. Озанлык ту жапыште чапланен шоген. Асфальт заводшо гына мом шоген! Коллективыште икмыняр шўдє е‰ лийын. Озанлыкыште ятыр машина, трактор, моло техника кеч-могай пашалан ямде шогеныт. Нуным, конешне, эскераш да жапыштыже олмыктен шогаш кўлын. Тидым самырык, но уста да чолга механик гына ыштен кертын. Вашке тыгай е‰ лектын. Тудо толын да виклан пашалан пижын. Тылеч ончыч Виктор Семенович «Рефанде» совхозышто ыштен, тушто кўчык жапыште кугу опытым поген шуктен.

Механикын пашаже эре тўткє лиймым йодеш. Кажне техникын тўзык улмыжым йўкшє гычак рашемдаш тыршыман. Луштыргаш тў‰алмыжым шижде кодат гын, паша ятырлан арта. Виктор Семеновичлан чыла вереат шуаш кўлын. Е. Шамратов полышкалышыжлан кертмыж семын полшен.

Тыге ДСПМК ятыр ий пашам ыштен, корнышто, шурно идымлаште асфальтым вакшын, коклан ДРСУ-ланат полшен. Кок организаций чыла пашамат пыр- ля, ваш полшен ыштен, манаш лиеш.

...Но жап эртен. Ончычсо вуйлатыше-влакым самырык специалист-влак вашталтеныт. Самырыкна годым ме, «Дружба» газетын фотокорреспондентше Владимир Михайлович Клинов дене пырля, ДСПМК-шке (Дорстройыш) кошташ йєратенна. Тушто мемнам эре алал кумылын да тора гычак сигналым пуэн вашлийыныт. Виктор Семеновичат эре алал кумылын мутланен.

Но, илен-толын, «экономист-влак» районлан кок организаций ок кўл манын пунчалыныт. В. Балахнин тиде уда пашам ыштыше-влак дене кертмыже семын кучедалын, но чыла арам. Чытен кертде, Виктор Семенович Йўдвел кундемыш каен. Пенсийыш лекмешкыже тушто пашам ыштен.

Виктор Семенович пашам автомеханик лийын ыштыме жапыштыже ятыр гана Чап кагаз да тауштыме серыш дене палемдалтын. Кызыт пенсийыште улеш. Яра жапыштыже техникыжым терга, изи экшык-влакым кора‰да. Чўчкыдын пелашыж дене коктын олашке – икшыве-уныкашт деке коштыт. Тиде нунылан кугу пайрем. Уныка-влакат коча-ковашт деке алал кумылын толыт да эн шерге уна лийыт.

Виктор Семеновичын кок эргыжат ачаштын профессийжым ойырен налыныт да ачашт гаяк уста механик улыт. А авашт, Юлия Григорьевна, суапан еш илышым аклаш да арален илаш туныктен. Кызыт тудо районысо ветеран-влак организацийым вуйлата. Тыге вате ден марий пырля, кажне у кечылан куанен илат.

В. КОНДОГИН.