Икымше туныктышем

Икымше туныктышем

Тыгай кече кажне е‰ынат уло. Икымше класс, икымше йы‰гыр, икымше туныктышо… Йочан тунеммашыже, илыш корныжо, мыйын шонымаште, икымше туныктышо дечак шога. Мыйын икымше туныктышем - Гареева Мария Алексеевна. Тунемаш пурымо кечем гычак мый тудым йєратен шынденам да кызытат пеш пагалем. Школым тунем пытармылан 37 ий эртен гынат, мылам тудо але мартеат кокымшо авамла чучеш.

Мария Алексеевна школышто нылле ий наре ыштен. Тиде жапыште тудо мыйым веле огыл, эргымымат, ўдыремымат туныктен. Тудак мариемын икымше туныктышыжо улеш.

Йєратыме туныктышем август тылзыште шочмо кечыжым палемдыш. «Келшымаш» газет гоч Мария Алексеевнам чыла тунемшыже-влак лўм дене шочмо кечыже да у тунемме ий дене шокшын саламлем. Пе‰гыде тазалыкым, ончыкыжат волгыдо пиалым тыланем.

Мария Алексеевна мыйым изинек мураш шўма‰ден. Шарнем, школьный концерт-влак годым тудо мылам эре сольный номерым мурыкта ыле. Садланак, шонем, изинек сценыште мураш лўдын омыл. Мыйым кызытат порылан, сай пашалан гына туныктен шога. «Тыйым вурсышо лиеш гынат, иктыланат тореш ит пелеште, кора‰ гына кай», - манеш. Иктаж-могай палыдыме йодыш лиеш гын, Мария Алексеевна дене ка‰ашем. Пуымо ка‰ашыже эре ы‰гайле лиеш.

Мария Алексеевна 1948 ийыште поян август тылзыште Мишкан селаште шочын. Йоча жапшым Курыкгоч Памаш ялыште эртарен. Мишкан кыдалаш школым тунем лекмеке, Йылыш да Арзамат школлаште вожатыйлан ыштен. 1968 ийыште Нерге ялыште тў‰алтыш класслаште туныктышо лийын ышташ тў‰алеш. Паша деч кўрылтде, Йошкар-Олаште пединститутышто тунемеш. Ты жапыште Сайпан Сайнушевичлан марлан лектеш. Нунын ешыште Игорь да Валерий эрге-влак шочыт. Мария Алексеевна ден Сайпан Сайнушевич пеш тату еш лийыт, кок икшывыштланат кўкшо образованийым пуат. Сайпан чўчў колхозышто эреак «Ончыл комбайнер» лийын ыштыш. Мария Алексеевна кажне тунемшыжлан йєратыме туныктышо лийын, у шинчымашым шы‰дарен умылтарен, пашам йєраташ, поро кумылан лияш туныктен. Шкежат йоча-влакым пеш пагален, йєратен.

Пашам сайын ыштымыжлан грамота-влак дене наградитлалтын да 1994 ийыште «Отличник образования Республики Башкортостан» лўмым сулен налын. Но эн сай наградыже – тунемшыже-влакын пагалымашышт.

Мария Алексеевнам шке икшывыже, уныкаже-влакат куандарен шогат. Игорь эргыже БашГУ-н Пўрє оласе филиалыштыже туныктымо пашам виктара, Валерий эргыже йўдвел кундемыш пашаш коштеш. Марианна ден Лиана шешкыже-влакат туныктымо пашам шуят.

Мария Алексеевна сулен налме канышыште улеш гынат, яра ок шинче, сурт сомыллан полшенак шога, уныка-влакым онча, тўрым тўрла, урга, пидеш. «™жара» калык мурышо ансамбльын ветеранже да ик тале мурызыжо улеш. Икмыняр ий Нерге ялысе ветеран-влак совет председатель пашам виктара. Кажне пенсионерым жапла, илыш-алыштым паленак шога. Ялысе пенсионер-влакым командыш чумырен, районышто эртарыме мероприятийлашке кондыштара. Шукыж годым призовой верым кондат. Кодшо ий тудын «Нерге вел такмак-влак» сборникше шуко тираж ден печатлалт лекте. Мария Алексеевнам «Келшымаш» газетым лудшо-влак статьяже-влак гыч палат. Шуко номерыште тудын пашажым куанен лудына.

Вот тыгай мыйын икымше туныктышем! Изи годымак тунемаш кумыла‰дымыланда, мураш-кушташ, кидпашам ышташ, сценышке лўдде-вожылде лекташ туныктымыланда, Мария Алексеевна, пеш кугу тау! Таза лийза! Юбилейда дене да У тунемме ий дене!

Светлана Каншаева,

Нерге ял.