Идалыкын эн сай воспитательже рашемын

Идалыкын эн сай воспитательже рашемын

Дошкольный образований системыште ыштыше вич педагог «Дошкольный образовательный организацийын 2018 ийысе эн сай педагогшо» районный конкурсышто участвоватлен

Нунын тыршымыштым компетентный жюри аклен. Жюри составыште район администраций вуйлатышын кадр да социальный йодыш-влак шотышто заместительже Л. Александрова, районысо методкабинетын методистше И. Кусюкбаева, йоча садысе воспитатель-влакын РМО вуйлатышыже Т. Савкова, кўчык жап лийме группысо воспитатель-влакын РМО вуйлатышыже О. Муллашаева лийыныт.

Воспитатель-влак тўрлє заданийлаште шке вийыштым текшыреныт. Нуно «Педагогын миссийже» эссем ямдыленыт, вес йоча садласе йоча-влак дене педагогический мероприятийым эртареныт, конкурслан визиткым ямдыленыт, мастер-классым ончыктеныт.

Профессиональный мастарлыкым текшырыше конкурсышто участвоватлаш ямдылалташ мыняр жап кўлеш? Тидыже, очыни,

конкурсантын педагогический стажше деч шога. Кажне кечын йоча-влак дене пашам ыштымаш, сай результатыш шуаш тыршымаш, план дене кылдалтдыме ситуаций гыч лектын моштымаш - воспитатель профессийын тў‰ ойыртемышт-влак улыт.

Чыла конкурсный мероприятий-влакын лектышышт почеш, «Дошкольный образовательный организацийын 2018 ийысе эн сай педагогшо» лўмым 3 №-ан «Ласточка» йоча садын воспитательже Татьяна Бикбулатова налын.

- Конкурс у йолташ-влакым муаш, профессионально кушкаш полша, - манеш Татьяна Владимировна.

Тудо инновационный технологийым кучылтмо паша опытшо дене палдарен, школыш коштдымо йоча-влакын йылмыштым вия‰дышашлан кинезиологический упражненийым ончыктен. Дошкольный образованийын эн сай педагогшо мемнан районын чапшым

тыгаяк лўман республиканский конкурсышто аралаш тў‰алеш.

Ардаш ялысе кўчык жап лийме группын воспитательже Светлана Бадамшина Б. Никитинын модмо пособийже дене пашам ыштымым ончыктен. Тудо школыш коштдымо йоча-влакын шинчымашыштым кумда‰даш полша. Чыла текшырымаш деч вара Светлана Ильинична кокымшо верым налын да ончышо-влакын симпатийышт приз дене палемдалтын. Кумшо верым Токтар школышто кўчык

жап лийме группын воспитательже Анастасия Созинова налын.

«Се‰аш тыршыше» номинацийыште 2 №-ан «Василек» йоча садын филиалжын воспитательже Гузель Аптикаева ончык лектын. 1 №-ан «Солнышко» йоча садын воспитательже Марина Ипулаева «Профессийлан ўшанле улшо» номинацийыште ойыртемалтын.

Конкурсант-влак чыланат образований отделын дипломжым да шарнымаш пєлекым налыныт.

И. КУСЮКБАЕВА, РМК-н методистше.