Газет-влаклан возалтын да тўҥ призым модын налын

Ме уже возенна ыле: 10 октябрьыште «Башкортостан Республик» издательский пєртын подписчикше-влак коклаште приз-влак модылтыныт. «Суперпризым модын нал!» конкурсышто сеҥыше-влакым рашемдымым «БСТ» телеканал дене виш эфир дене ончыкто. Тўҥ призым – телевизор ден спутниковый ТВ комплектым – Козаш ялыште илыше, «Келшымаш» газетын лудшыжо Дмитрий Яметов модын налын.

20 ноябрьыште сеҥышылан торжественный обстановкышто призым кучыктымо. Пиалан ветераным саламлаш «Башкортостан Республик» издательский пєртын периодический печатьым шалатыше отдел начальник Павел Быков, отделын специалистше Айнур Давлетбаков, «Дружба» районный газетын редакторжо Фирдаус Кадикова, Новотроицкий сельсовет сельский поселений администраций вуйлатыше Людмила Чухнина миеныт. БСТ телеканалын пашаеҥже-влак видеом возеныт, тудо республикысе телеканал дене лишыл жапыште ончыкталтеш.

Изишак суперпризым модын налше геройна нерген палдарыме шуэш. Дмитрий Яметович Яметов педагогический пашан ветеранже

улеш. Тудо йоча-влакым 45 ий туныктен, 33 ий школ директор лийын. Ватыж дене пырля 5 икшывым ончен куштеныт.

Ийготшо шагал огыл гынат, Дмитрий Яметович мер илышыште чолган участвоватла – Новотроицкий сельсовет сельский поселенийысе

ветеран организацийын председательже улеш, «Дружба», «Келшымаш» да «Ветеран Башкортостана» газетлашке статья-влакым воза.

- Мый изинек газет ден журнал-влакым лудаш йєратем, - ойла Дмитрий Яметович. – Районный газетын внештатный корреспондентше лийынам да кызытат возен шогем. Алал кумылын «Келшымаш», «Чолман» да «Республика Башкортостан» газет-влакым лудам, нунылан ончыкыжымат возалтын шогаш тўҥалам.

Ме чыланат Дмитрий Яметовым суперпризым модын налмыж дене саламлена, кужу ўмырым, тазалыкым да ончыкыжымат мыланна ўшанле кодаш тыланена.

Венера АГЛЯМОВА.