Фольклор – калыкын тўн поянлыкше

Фольклор – калыкын тўн поянлыкше

Тўнямбалсе шочмо йылме кечын краеведческий библиотека «Мемнан вожна. Фольклорым лудына» всероссийский акцийышке ушнен

2 №-ан Мишкан кыдалаш школышто 2 «б», 5 «а», 6 «а» класслаште краеведческий библиотекын марий калыкым обслуживатлыме шотышто секторжын пашае‰же-влак Олеся Зайнитдинова ден Ильвира Айбердина фольклор шагатым эртареныт. Мероприятийыште

нуно Чоткар патыр нерген легендым да «Пий ден пире» марий калык йомакым лудыныт.

Марий калыкын пўтынь илышыже ожсекак муро дене кылдалтын. Калыкна ятыр ныжыл, кумылым савырыше сем ден келге шонышан мурым шонен. Муро гоч е‰-влак уло кєргє чоныштым, чон шижмашыштым, шонымашыштым почын муреныт, шочмо вер-шєрын сылнылыкшым моктеныт. Муро калыклан неле пашам, шўлыкан татым да ойган саманым се‰аш полшен. Сандене мероприятийыште

марий мурылан посна верым ойырымо. Йоча-влак тиде кечын «Олян гына» калык мурым колыштыныт. Тылеч вара ўдыр-эрге-влак марий калыкмут-влакым шарналтеныт, туштым туштеныт, марий кумалтышым лудыныт.

Тылеч вара тунемше-влак «Шергаш», «Кє мелнам йылерак кочкеш» марий калык модмаш-влак дене модыныт. Тений Тўнямбалсе шочмо йылме кече ™ярня дене тєр толмылан кєра, мероприятийын участникше-влакым тамле мелна да пура дене сийлыме.

Мероприятий вашеш школышто о‰ай книга выставкым организоватлыме. Тушто «Марий калык устный творчествын антологийже», А. Китиковын «Марий калыкмут мутер», «Марий калык модмаш-влак», «Марий калык ойпого: Эрвел марий муро-влак», Н. Поповын «Марий юмынйўлан негызше», Т. Евсеевын «Марий фольклор», «Марий калык ойпого: Марий тушто-влак» да моло книга-влак

верланеныт.

Мучашлан каласыме шуэш: калык фольклор ок лий гын, илышна моткоч йокрок да шўлыкан лиеш ыле. Кажне калыкын творчествыже моткоч поян. Арам огыл марий литературылан негызым пыштыше М. Шкетан тыге ойлен: «Калыкын поянлыкше - калыкын кєргыштыжє». Тудым аклен веле моштыман да єрканыде шымлыман. Фольклор гоч ме калыкын эртыше илыш корныж дене палыме лийына, йўланам умылена да, эртышым шарнен, пе‰гыдын ончыко ошкылына.

И. АЙБЕРДИНА, краеведческий библиотекын марий калыкым обслуживатлыме шотышто секторжын тў‰ библиографше.