+11 °С
Облачно
Общие статьи
31 Декабря 2020, 21:00
Эн сай лу команда радамышке пуреныт
Чорай ялысе Я. Ялкайн лўмеш марий гимназийыште тунемше-влак «Президентский та‰асымаш» всероссийский спортивный та‰асымаште вийыштым тергеныт
Эн сай лу команда радамышке пуреныт
Краснодар крайысе Анапа олаште эртыше «Президентский та‰асымаш» ий гыч ийыш вия‰ толеш, тушто вийыштым тергаш кумылан-влакын чотышт палын арта. Тений тиде та‰асымаште участвоватлаш 74 команда погынен. Команда-влак Сахалин, Калининград, Мурманск областьла, Чечен, Тыва, Марий Эл, Башкортостан республикыла гыч да моло кундемла гыч миеныт.
Башкортостан Республикын чапшым кудымшо гана Чорай ялысе Я. Ялкайн лўмеш марий гимназийын тренер-туныктышыжо Лариса Николаевна ден физкультурым туныктышо Сергей Михайлович Мурзашевмытын воспитанникышт – тиде гимназийыштак 9 классыште тунемше-влак араленыт. Положений дене келшышын, «Президентский та‰асымашын» участникше-влак вийышт ден чолгалыкыштым веле огыл, тыгак шинчымашыштым, творческий шўлышыштым ончыктышаш лийыныт. Вийышт ден чолгалыкыштым спортивный многоборье ден эстафетыште ончыкташ кўлын.
Творческий конкурсышто ўдыр-рвезына-влак 63-шо лийыныт, теорийыште 18-ше, спортивный многоборьеште – 2-шо. Пытартыш конкурсышто нуным Кострома областьысе тунемше-влак веле ончылтен кертыныт. Но эстафетыште ўдыр-рвезына-влак эн писе да чулым лийыныт, РФ-н чемпионжо лўмым сулен налыныт. Тыште кокымшо верым мемнан пошкудына-влак – Челябе областьысе тунемше-влак
налыныт, кумшым – Тверь областьысе ўдыр-рвезе-влак. Чумыр иктешлымаш деч вара мемнан командына 10-шо лийын. Тынар команда коклаште тиде пеш сай результат.
Алена ГРИГОРЬЕВА.
