«Десантник» лагерьын кенеж тургымжо

«Десантник» лагерьын ке‰еж тургымжо

«Путник» йоча-юношеский туризм рўдер пелен 15 гыч 25 июнь марте кечывалым лийме «Десантник» лагерь пашам ыштен. Тушко райцентрысе да Янагуш ялысе ўдыр-рвезе-влак чумыргеныт.

Лагерьыш толшо рвезе-влак спортын экстремальный видше-влакым йєратат. Лагерьыште нуно шке мастарлыкыштым да моштымашыштым ончыктеныт, у йолташ-влакым муыныт.

Парашют дене мландыш волен шушо воин-десантник мом ыштышаш? Тушман дене вик кредалаш пижшаш? Тушман ужын шукта гын, тыгат лийын кертеш. А вара? Вара командованийын шындыме задачыжым шуктышаш, палемдыме объект деке лекшаш, тудым пытарышаш але мє‰гешла, аралышаш, картыште тушманын позицийжым раш ончыктышаш. Икманаш, карт дене пашам ыштен моштыман, шке семын топографический сўретым сўретлыман да верыште сайын ориентироватлалт моштыман. Тыгодым В. Катаевын «Сын полка» повестьше гыч

самырык разведчик Ваня Солнцевым шарналтыде от керт. Тў‰ топографический наукым тунемын гына десантник шке ончылан шындыме задачым шуктен кертеш. Тыгодым кандырам да страховочный средства-влакым кучылтын естественный да искусственный чарак-влакым эртыман, тура лўен моштыман, гранатым сайын кышкыман, индивидуальный аралалтме средства дене зараженный участкым эртыман…

Лагерьыште самырык десантник-влак чыла тидлан тунемыныт, вара практикыште пе‰гыдемденыт. Салтак наукым курсант-влак шке кумылын тунемыныт, шым пўжвўдым йоктарен тыршеныт. Эсогыл эн изи участник-влакат картым сўретлен, тушто диверсант-влакын

шындыме пулеметыштым, шылтыме танкым, минный пасум, снайпер-влакын позицийыштым, водохранилищым ончыктен кертыныт.

Практический ученийым «Диверсант йолгорно» да «Разведчик йолгорно» военизированный модмаш семын эртарыме. Палыдыме чодыраште, йўр вошт марш-бросокым эртымыштым, спортын военно-прикладной видше дене та‰асымашлам рвезе-влак нигунам огыт мондо, очыни. Командований кажне «боевой заслугым» палемден. Ойыртемалтше-влаклан грамотым кучыктымо.

Се‰ыше-влак коклаште Кирилл Шамарзанов, Ильнур Абдуллин, Илья Андреев, Тимур Зиннуров, Сергей Иликбаев, Павел Кисмерешкин, Кирилл Биктубаев, Ксения Иплаева, Артем Петров, Павел Байрамов, Артем Исакаев, Максим Зайнитдинов лийыныт. Нуно чыланат

«Действия парашютиста в воздухе» курсым сайын эртымылан сертификатым налыныт. Лагерьыште программым эртымеке, курсант-влак 23 июньышто «Первушино» аэродромышко Башкортостан Республикысе парашютно-учебный рўдерыш» миеныт. Кужу жап йўран игече-влак шогымо деч вара тиде кечын икымше гана сай игече лийын. Кече шыратен, юж 30 градус марте ырен, но мардежшат писе лийын, мардежын писылыкше 10 баллыш шуын. Тыгай виян мардежыште «Д15У» парашют дене тєршташ ок лий, сандене курсант-влак тунеммашын теоретический ужашыж деч вара тренажерлаште заниматлалтыныт. Игечым вученыт, а синоптик-влак кандаш шагат каслан гына мардеж лыплана маныныт. Сандене кум «ветеран» - Динар Бикбулатов, Алмаз Иманаев да Флюс Каримов, 15.00 шагатыште Мишканыш выпускной касышкышт пєртыл каеныт.

Рвезе-влакым кумыла‰даш ончычсо воин-десантник-влак Сергей Кисмерешкин, Сергей Баженов, Юрий Имасов, Андрей Кубагишев, йоча-влакын ача-авашт Александр ден Ольга Иликбаевмыт, Алексей ден Наталья Апкаликовмыт, Раиль Иманаев, Людмила Имасова, Татьяна Баженова, афган сєын ветеранже Вениамин Михайлов толыныт.

Эн ончыч Павел Кисмерешкин ден Ольга Иликбаева тў‰алтышым ыштеныт. Ийготышт кугу улмылан кєра нуно инструктор дене прыля 3000 метр кўкшыт гыч тєрштеныт.

Молышт шке жапыштым вученыт. 21.00 шагатлан «Первый взлет!» команда шергылтын. А 50 минут гыч кокымшо группа кавашке чо‰ештен.

Тиде кастене Светлана Минильбаеван «Шулдыран самырык гвардийже» у лўм-влак дене ешаралтын: Юлия Апкаликова, Артем Исакаев да Максим Зайнитдинов тўжем метр кўкшыт гыч икымше гана парашют дене тєрштеныт.

А. САДОВСКИЙ, лагерь начальник.