Чылажат Юмо деч шога

Чылажат Юмо деч шога

Ленин лўмеш колхозышто пасу пашае‰-влак погышаш шурнын пелыжым погеныт

Мемнан машинана чодыра воктенсе корным эртен, Октябрь ял воктенсе курык серыш лекте. Ончылнына мотор сўрет почылто: те‰ызла

ловыкталт шогышо шурно пасушто толкыным шелын комбайн-влак ийыныт.

Ик комбайным Станислав Гильманшин ден полышкалышыже Евгений Микаев, вес комбайнжым Александр Микаев ден полышкалышыже Геннадий Микаев виктареныт. Нуно шўльым погеныт. Механизатор-влакын кумылышт сай.

- Уржа-сорла - мыланна тунемме паша, - ойла опытан механизатор Станислав Гильманшин (снимкыште). - Пасу паша тў‰алме деч ятыр ончычак комбайн-влакым ямдылаш тў‰алынна, техникым олмыктенна. Кунам шкаланет ўшанет, а кўшыч кече шыратен онча, пашам ыштымет веле шуэш. Комбайн-влаклан паша ситышын логалеш: 1348 гектар гыч 600 гектарыште икияш пырчан культурым погыман. Пашам

йєратыше да шке мутыштлан оза улшо Станислав Гильманшин ден Александр Микаев ял озанлык пашаште шуко ий тыршат.

Пашашт пеш кўлешан да неле, чылан тудым ыштенат огыт керт. Комбайнер-влакын вачўмбакышт пыштыме ответственность моткоч кугу. А нунылан ўшанаш лиеш. Вет нуно шуко ий Мичурин лўмеш колхозын Ваксола бригадыштыже, вара районысо моло озанлы-

клаште, пытартыш ийлаште Ленин колхозышто ты пашам шуктат.

…Кузов тич шурным темен, автомашина Чорай могырыш тарвана. Шурным КамАЗ машина-влак дене Данил Изергин ден Валерий Аблеев шупшыктат. Шурно идымыш ожнысо семынак машина-влак автовиса гоч пурат.

Висыше Валентина Аксаева кажне центнерым учетыш налеш. Висам эртымеке, идымыште шурно Владимир Тимуршин, Василий Николкин, Александр Байрамов кидыш логалеш. САЗ-53 машина дене Юрий Петров эрыктыме шурным амбарыш шупшыкта.

- Ялыште идалык моткоч писын эрта: шошым ўдена, ке‰еж гыч шыже марте погена, вара пашанам иктешлена, - ойла Ленин лўмеш колхозын председательже Д. Осипов. - Кеч-могай пашаштат эн ончычак результатым ончыман. Кунам шурно ума, чон куана, тыршымына арам лийын огыл. Тачысе кечылан озанлыкыште шурно ик гектар гыч 14 центнер дене лектеш. Тений кокияш уржа куандарыш. Ик пасушто (96 гектар) 25,4 центнер дене погенна. Шыда‰ 15 центнерым пуэн, моло культурыжо 10 да утларак центнер дене шочын.

Тений шож начар шочын. Таче мемнан озанлыкна неле жапым чыта. Кадр-влак огыт сите. Тений нылытын саулен налме канышыш кайышт, а нуным нигє дене вашталташ. Товарный шурным ужалаш проблема - налаш шонышыжо шагал. Лишыл жапыште 300 тонн уржам ужалаш

договорым ышташ палемденна.

Мыняр окса налына, чыла кылмаш куралаш колташ шонена. Тачысе кечылан уржа-сорлам эртараш гына оксана уло, шєр гыч пурышо оксана уке. Уржа-сорлам эртарыме годым кугу ответственностьым озанлыкын агроножо Вячеслав Петров ўмбак пыштыме. Тудо шке пашажым сайын пала. Пасу гыч толшо шурным машина гыч ястарыме деч ончыч лўмын келыштарыме аппарат дене могай улмыжым текшыра.

- Пырчын вўдыжгылыкшє 16 процент деч кугурак гын, тудым кошташ кўлеш, - ойла Вячеслав Иванович. - Мемнан пашана шукыжым Юмо деч шога. Йўр йўреш гын, яра шогена, игече сай гын, пасушто паша шолеш.

Уржа-сорла тургым - неле механизм. Пасу паша поче-поче лектын шога. Кызыт пасум олым деч писын эрыкташ кўлеш. Тудым Владик Апуков прессоватлат. Юрий Ямурзин шудым сола. Озанлыкыште телылан кормам ситышын ямдылыме: 3000 тонн сенажым пыштыме, 500 тонн шудым скыртыш оптымо.

Шушаш урожайлан колхозышто 100 утла гектарыште кокияш уржам ўдаш палемдыме. Тачысе кечлан 64 гектарыште гына ўдымє. Шошо ага гыч тў‰алын уржа-сорла пытымешке колхоз столовый кўрылтде пашам ышта. Пашае‰-влаклан шокшо кочкышым Вера Яметова ден Антонина Осипова шолтат. Кечеш кок гана пукшат. Кочкышым пасушко Валентин Назмиев шупшыкта. Колхозышто шуктышаш паша эше шуко. Станислав Гильманшин ден Александр Микаевлан лишыл кечылаште 600 гектарыште икияш пырчан культурым погаш кўлеш. Нунын паша лектышыш игечын могай улмыж деч шогаш тў‰алеш. Вет шыже шкеж нерген кечын ут- ларак да утларак шижтара: ояр кече шагалемеш, вўдыжгє шукемеш.

Алена ГРИГОРЬЕВА.