Чылалан кўлшє тоштер

Чылалан кўлшє тоштер

«Путник» йоча-юношеский туризм рўдерыште районысо калык образованийын историйжым ончыктышо музей пашам ышта

Районысо образованийын историйжым ончыктышо музейым почаш шонымаш шукертак шочын. Вет районыштына уста туныктышо-влак моткоч шукын лийыныт да улыт, кажныжын илыш корныжо, пашаже самырык тукымлан сай пример лийын кертеш.

Районыштына моткоч чолга, шке пашаж верч чон йўлен тыршыше, «Путник» рўдерын директоржо Вячеслав Князев улмылан моткоч куаненам. Вет лач тудо погынышо материал-влакым иктыш чумырен, нуным шотыш конден, ситыдымыжым пырчын-пырчын поген,

районыштына туныктымо пашан историйжым ончыктышо тоштерым почын.

Тиде пашам шуктымаште тудын ўшанле полышкалышышкыже Ирина Саметова савырнен. Тудо туныктышо Тоймет Бикмурзинын ешыж гыч.

И. Саметова сулен налме канышыш лекмекыже, В. Князевлан ты суапле пашам ышташ полшаш кумыла‰ын. 2017 ий 25 августышто, туныктышо-влакын августысо конференцийышт годым тоштер почылтын. Тудым почмаште педагогический пашан ветеранже-влак да ўжмє уна-влак лийыныт: БР образований министерствын представительже - калык образований отделын тў‰ специалист-экспертше Г. Усманова, Бирский ПМПК ГБУ-н вуйлатышыже С. Денисова, районысо образований отдел вуйлатыше С. Александров.

Тоштерым почаш педагогический пашан ветеранже Ю. Каюмов ден Г. Усмановалан ўшаныме. Гид семын Вячеслав Князев шкеже уна-влакым кондыштарен. Тоштерыште чылаже 20 утла ужаш уло, кажныштыже пеш шуко материал погалтын: районыштына почылтшо икымше школ-влак да икымше туныктышо-влак, школ директор-влак, заслуженный туныктышо-влак, Кугу Отечественный сарыште кредалше туныктышо-влак, районысо кугу школ-влакын историйышт да молат. Пионер да октябренок движений нерген пеш шуко материал погалтын. Ешартыш образований системылан посна верым ойырымо. Тоштерым ыштыше-влак этнографий темымат монден огытыл.

Мемнан районышто школым тунем пытарыше да кумдан чапланыше Башкортостаныште, Марий Элыште да моло кундемлаште илыше землякна-влак нерген пеш шуко материал погалтын. Районысо калык образований историй летопись семын радамын ончыкталтын. Тиде тоштер - самырык тукымым патриотически, нравственно да пашалан воспитатлыме рўдє база лийшаш.

Ме, таче илыше ветеран-влак, ты тоштер дене моткоч кугешнена. ™шанен кодына, ветеран движенийын, калык образованийын, правам аралыше орган-влакын, краеведческий музейын, марий историй да культура рўдерын, районысо Культура дворецын, библиотека-влакын, ялласе клуб ден Культура пєрт-влакын пырля шуктымо пашашт ончыкыжым кушкын толшо тукымым патриотический шўлышеш куштымаште

суапле верым налын шогаш тў‰алеш.

Д. ЯМЕТОВ, педагогический пашан ветеранже, РСФСР калык просвещенийын отличникше.