Чорайыште шыже кросс эртен

Чорайыште шыже кросс эртен

Теният 12 сентябрьыште урок деч вара туныктышо ден тунемше-влак та‰асымаш олыкышто погынышт.

Мотор пўртўс, яндар юж, чевер кече – чылажат кумылым нєлтен. Соревнованийым эртараш туныктышо Лариса Иванова ден Геннадий Мурзашевлан ўшанен пуымо. Моло туныктышо-влакат кертмышт семын полшеныт. Та‰асымаш – кажне йочаланат пеш кугу событий. Южо тунемше тудым куанен вуча, южыжо – лўдынрак, туге гынат, кажныже танасымаште кертмыж семын эн кўкшє результатым ончыкташ тырша. Тунемше-влакым ийгот шот дене икмыняр категорийлан пєлымє. Ондак тў‰алтыш класслаште тунемше-влак 300 метрыш куржыныт, тиде жапыште кугурак-влак разминкым ыштеныт, стартлан ямдылалтыныт. Изирак-влак деч вара кугурак ўдыр-рвезе-влак чолгалыкыштым ончыктеныт.

Тиде спорт пайрем чылалан куаным конден. Се‰ыше-влак мєнгышкышт грамот ден медальым нангаеныт. А се‰ыдымыже лийынат огыл, вет чыланат шке дистанцийыштым куржыныт, финишыш шуыныт, жапым веселан эртареныт. Спортсменна-влак умбакыжат тўрлє соревнованийлаште гимназийын чапшым аралаш тў‰алыт манын ўшанен кодына. Теве кызытат 10 класс гыч 8 тунемшына физкультур туныктышо Сергей Михайлович да Лариса Николаевна Мурзашевмыт дене пырля Анапа олаш Пошкырт кундемнан чапшым аралаш каеныт. Уло кумылын нунылан се‰ымашыш шуаш тыланена.

О. ИРКАБАЕВА,

Я. Ялкайн лўмеш марий гимназий.