Чонжо дене ок шонгем

Чонжо дене ок шонгем

Айдемын лўмжє дене вер-шєрым але иктаж-могай объектым лўмдымє вер-влакым илышыште шуко вашлияш перна. Теве Мишкан гыч лекмаште коттедж гай икгай 11 пєрт верланыме кундемым Ефимовка але Шамратовка маныт. Тидыжым ДСПМК-н ончычсо начальник Ефим Шамратович Шамратовым порын шарнен лўмденыт. Кокымшо мартыште тудо 85 ияш юбилейжым палемда.

Юбилейже вашеш ме тудын дене вашлийын мутланышна. Шарнем, эше моткоч самырык улмем годым, армий гыч пєртылынам да редакцийыш пашаш пуренам ыле. Редакторна, Манзума Наматовна Каримова ДСПМК-шке материалым возаш колтыш. Вуйлатыше кугу опытан, илалше лийын гынат, мыйым самырык улат манын огыл.

Чыла ончыктыш, умылтарыш да экскурсоводлан участкын мастерже Валерий Гареевым палемдыш. Тидыже Ефим Шамратовын чыла е‰ымат ик семын аклымыжым, е‰ым пагалымыжым ончыкта. Тиддеч вара Ефим Шамратовичын, ДСПМК-н пашаштым эре эскерен шогенам, манаш лиеш.

Ефим Шамратович дене вашлийме деч ончычак молан Ефимовкым Ефимовка манын лўмденыт манме йодышым пуаш шоненам ыле. Шонымемым палышыла, тудо шкеак ты йодышым тарватыш.

- Ке‰ежым ме корным ыштышна. Пашадар чылаштлан келшен. Сезон пыташ тў‰алмеке, пашае‰на-влак паша гыч каяш тў‰альыч, - ойла Е. Шамратов. - Вес ке‰еж мартелан каят, ке‰ежлан уэш толаш сєрат. Вет його-влак огыл, а эн сай пашае‰-влак тыге ыштат. Телым корным от ыште вет, сандене пашадарат шагалрак лектеш. Е‰-влакым пашаште кучаш манын, вес корным ойырен налаш шонен пыштышым - илыме верым чо‰аш. Оксамат муна, ты пашам шукташ кумылан-влакат лектыч. Каменщик-влак бригадым чумырышна. Тыге, профсоюзын пунчалже почеш, ДСПМК-н эн сай пашае‰же-влаклан илыме верым пуаш тў‰ална. Шке пєртым

чо‰ымашке ончыкылык оза-влак ушнышт манын, нуным бригадышке пуртышна. Тыге Мишканыште йєршын у урем - Пионерский шочо, калыкыште тудым Ефимовка маныт.

Ефим Шамратовичын сулен налме канышыш лекмыжлан чырык курым эртен. Но тудын дене пырля пашам ыштыше-влак шке начальникыштым эре эн поро мут дене гына шарнат.

Кє вара тугай Е. Шамратов. Лудшына-влаклан рашемдышашлан илыш корныжым шергал лектына.

Шочын 1933 ий 2 мартыште. Еш, репрессийыш логалаш огыл манын, чумырымо поянлыкым кудалтен, Белорецк олашке илаш куснен. 1947 ийыште Бирск олашке толыныт. Рвезе изинекак пашаште шуаралт кушкын. 1949 ийыште рвезе тунемаш пурен. 1951 ийыште

киномеханик специальностьым налын. Илыш пўрымаш ик семын эртен огыл. Тудо биологийым туныктышо лийын, киномеханик, электрик. Жап эртыме семын илышат тєрланен.

Шочмо кундемлан корным ыштен моштышо специалист-влак кўлыныт. 1987 ий 30 ноябрьыште тудым кызыт гына ышталтше «Мишкинская» ДСПМК-н начальникшылан шогалтеныт. Тушко ныл районысо - Мишкан, Бирск, Аскын, Караидель - участок-влак пуреныт.

Тудо пашам ыштымыж годым ик гана веле огыл, районын, Башкирийын, Российын, СССР-ын Чап кагазыштым налын. Тауштыме серыш-влакат ятыр погыненыт. Пашан ветеранже да моло медаль-влак о‰жым сєрастарат.

Ефим Шамратович шке ватыжым, Вера Егоровнам эре йєратен да пагален. Кок йочам ончен-куштеныт. Кызыт коча ден кувавам кум

уныка куандара. Пайремда дене, Ефим Шамратович. Таза, пиалан лийза!

Вениамин КОНДОГИН.