Чоненна, чонена да ончыкыжымат чонаш тўналына

Чо‰енна, чо‰ена да ончыкыжымат чо‰аш тў‰алына

Август тылзын кокымшо рушарняштыже профессиональный пайремыштым строитель-влак палемдат

Чо‰ымаш паша ик татланат ок чарне да вия‰ын толеш. Курым гыч курымыш строитель-влак пашаштым саемденыт, чо‰ымо у йєн, у материал-влакым кычалыныт. У технологий-влаклан э‰ертымаш да у материал-влакым кучылтмаш зданий-влкым писынрак нєлташ, тошто зданий-влакым олмыкташ да ончыкылык тукымлан арален кодаш йєным ышта.

Строитель-влакын тыршымыштлан кєра мемнан районнат тўзлана. Экономический нелылык палын шижылтеш да игече чо‰ымаште шуко чаракым ышта гынат, яллашке газ пурталтеш, корно-влак олмыкталтыт да у пєрт-влак нєлталтыт. Строитель-влакын кечышт вашеш ме Мишкан район МР администраций вуйлатышын строительство да жизнеобеспечений шотышто заместительже Вадим Ханов дене мутланышна.

- Вадим Мулланурович, республика 100 ияш юбилейжым палемдаш ямдылалтеш. Ме палена - тиде дата вашеш Мишкан селаште Марий историй да культура рўдерым олмыкташ палемдыме. Рўдер верланыме ончычсо «Мир» кинотеатр зданийыште кызыт могай паша шукталтеш?

- Тачысе кечылан «Архпроект» ООО зданийым капитально олмыктымо шотышто проектированийым ышта. Тений октябрь тылзыште капитальный ремонтым ыштыше подрядчик рашемеш да паша тў‰алеш.

- Лудшына-влак тыгак Пўрєвўд э‰ерысе гидроузел кунам чо‰алтме нерген палынешт. Тиде стройка тачысе кечылан долгостройыш савырнен да пашан мучашыже ок кой, манаш лиеш.

- Кемий ял воктене Пўрєвўд э‰ерыште гидроузелым чо‰ымаш чынжымак кужашлан шуйнен. Но Кемий ялыште илыше-влак, очыни, ужыныт – паша верже гыч тарванен: 1 июльышто тиде пашам умбакыже шуйымо шотышто аукцион эртен. Аукционышто се‰ыше «Нефтехимремонт» ООО подрядчик пашам мучаш марте шукташ сєрен.

- Мишкан селасе калык уло кумылын пєртлашке сай вўдым пуртымым йодеш. Тиде паша шотышто вашталтыш уло але уке?

- Паша ышталтеш, но тудым ик тылзыште ыштен пытараш ок лий. Проект 32 тылзыште илышыш шы‰даралтшаш. «Мишкан ПЖКХ» ООО пашажым эре сайын шукта. Ме ўшанена: нуно тиде ганат ўшаннам шуктат да Мишканыште сай вўдым конден шуктат.

- Районыштына, пўтынь Россий семынак, эше ик пўсє йодыш – корно укелык. Кызыт лачак корным олмыктымо да нєлтымє жап. Тыште сай могырко вашталтыш лиеш але уке?

- Корным ме план почеш олмыктена да нєлтена. Верысе значениян корным капитально олмыктена. Калмазан ял марте 1,8 километр кужытан корным «СтройПроект» ООО олмыкта. «Бирская керамика» ООО - Чорай гыч Раевка марте 1,4 километр кужытан корным. Нине паша-влакым октябрь мучаш марте пытараш палемдыме.

Моло корно-влакат олмыкталтыт. Тыгай паша Мишкан, Кугу Соказа, Мавлют, Чорай сельсовет сельский поселенийлаште ышталтеш.

- Шуко пачеран пєртлаште илыше-влак оралтыштым, конешне, шке арулыкышто кучышаш да тўзатышаш улыт. Но чыла пашамат нуно шке вийышт дене ыштен огыт керт. Нунылан могай полыш ончыкталтеш?

- Пытартыш ийлаште «Комфортан оласе средам ыштымаш» проект илышыш шы‰даралтеш. Тиде проект почеш ДРСУ пашае‰-влак Мир уремысе 40 №-ан, 12 №-ан, Тракторный уремысе 20а №-ан, 22 №-ан шуко пачеран пєрт оралте-влак тўзаталтыт. Тиде проект почешак Чорай сельсовет сельский поселенийыште паша шукталтеш – Чорай селаште спорт да йоча площадка тўзаталтыт. Тыгак шуко пачеран пєртлаште чумыр погым олмыктымо программа почеш Мир уремысе 18а №-ан пєртыштє леведыш вашталталтеш.

- Районыштына газым пуртыдымо ял-влакат улыт...

- Чын. Но газым пуртымо пашат план почеш шукталтеш. Тачысе кечылаште Арзамат ялыште газопровод чо‰алтеш. Ончыкыжым Мишкан селаште йыр корно вес могырысо икмыняр уремлашке газым пурташ палемдыме.

- Икманаш, районысо строитель-влак профессиональный пайремыштым тургым жапыште вашлийыт. Паша чыла вереат шолеш, манаш лиеш.

- Чын, чыла тыге. Йєн дене пайдаланен, строитель-влакым чылаштымат профессиональный пайремышт дене саламлем, пе‰гыде тазалыкым, суапым да пашаштышт се‰ымашым тыланем, вет районын вия‰мыже лач нунын пашашт дечын кугун шога.

Фирдаус КАДИКОВА.