Чодырашке шыже экскурсий

Чодырашке шыже экскурсий

Йоча-влаклан школысо мероприятий-влак кокла гыч эн чот экскурсий-влак келшат.

Экскурсийышке кошташ эн сай жап – шєртньє шыже. Вет шыжым чодыраште йыгыжге шы‰а ден опкын пуди-влак укелыт. Лепешкан ялысе школышто туныктышо ден тунемше-влак чодырашке экскурсий дене лач тыгай ямле сентябрь кечын миеныт. Ты жапыште чодыра мотор деч мотор! Лышташ-влак шинчам тўрлє тўс дене кандарат! Иктыже эше ужарге, весыже – нарынче, кумшыжо – нугыдо-йошкарге. Чодыраште пуйто юзо шўлыш озалана. Юж эре да тамле, изишак велше лышташ пуш шижылтеш.

Ме кожлаште моторлыкым кєранен ончышна да пуше‰ге-влакым эскерышна: урокышто пўртўс вашталтме нерген налме шинчымашым пе‰гыдемдышна.

Кенета тораште огыл шиште чў‰гымє йўкым колна. Тўткынрак ончалмеке, тудын йошкар упшыжым эсаплышна: шиште пўнчыштє шинчен да пўгыльмє тушым кочкын.

Ик тат гыч ўдыр-влак вондер йымалне шылше шо‰шым эсаплышт. Ме лишеммеке, тудет мундыра гай пўтырналтын возо. Ме тудым эплын гына тўкалтышна, имыже моткоч кошарге улмым рашемдышна да умбакыже ошкылна. Тораште огыл укш гыч укшыш тєрштылшє урым ужна – тудет телылан кочкышым ямдылен.

Чодыра тўрыштє ме кужу жап коштна, чевер лышташ-влакым, тўрлє пўгыльмым, пуше‰ге тушым погышна. Нунун дене урокышто тўрлє арверым ыштена. А эн сай арвер-влакым школысо шыже выставкыште вера‰дена.

Йоча-влакым изинек пўртўсым йєраташ да аралаш туныктыман. Сандене ме школ оралтыште пуше‰ге-влакым шындаш лийна. Тиде ой дене чыланат келшеныт. Икманаш, экскурсий о‰айын эртен да йоча-влаклан ятыр куаным конден.

Т. АПТЫКАЕВА.