Черетан выпуск лийын

Черетан выпуск лийын

30 июньышто Мишкан агропромышленный колледж 86 выпускникым кумда илыш корныш ужатен.

Тиде кечын выпускник-влак пырля тунемме йолташышт, туныктышышт-влак дене чеверласеныт. Кажне выпуск колледжын историйыштыже шке кышажым кода. Агропромышленный колледжын директоржо В. Байбулатов выпускник-влакым ужатыме шомакыштыже тыгай тыланымашым ойлен:

- Пагалыме выпускник-влак, ончылан шындыме цельышкыда шуаш тыршыме куштылго огыл корныда ше‰гелан кодын. Ме колледжым сайын тунем пытарымыда дене тендам шокшын саламлена. Тунемме годым налме шинчымашда тыланда ончыкыжым илышыштыда, пашаштыда се‰ымашыш шуаш полша манын ўшанен кодына. Колледжыште тунемме жапдам ида мондо, кеч-могай жапыште мемнан деке толын кертыда, тендан ончылно омсана эре почылтшо лиеш. Ме тендам эн шерге уна семын вашлияш тў‰алына…

Студент-влакым колледжым тунем пытарыме дене саламлаш район администраций вуйлатышын икымше заместительже, ял озанлык отдел начальник В. Михайлов, педагогический пашан ветеранже С. Андерзянов, РДК-н художественный вуйлатышыже Н. Кошиева толыныт.

Колледж директор В. Байбулатовын да методист М. Гайсинан кидышт гыч «Ял озанлык производствын тракторист-машинистше», «Мўкшызє-водитель», «Мўкшызє», «Общестроительный пашан мастерже» специальность дене тунем пытарыше выпускник-влак профессиональный образований нерген дипломым налыныт.

Те‰гечсе студент-влак дипломан специалист лийыныт. Кажныже илышыште шке корныжым муэш манын ўшанен кодына. Колледжым тунем пытарыше 25 выпускник лишыл жапыште шочмо элнам аралаш Россий Вооруженный Вий радамыш ушна.

Л. АКБУЛДИНА.