«Чемпион лийын огыт шоч…»

«Чемпион лийын огыт шоч…»

Кодшо рушарнян мемнан районыш Паралимпийский модмашын 13 гана чемпионжо, тўнян 18 гана чемпионжо, Европын 43 гана

чемпионжо Рима Баталова толын.

Тўнялан палыме спортсменка Рима Баталова нелылык ончылно вуйым сакышан огыл. Теве ты кечынат, амыркан поран гай гўжлышє поран талышнен да адакшым каныш кече лийын гынат, тудо мишкан йолташыже-влак деке толаш лўдын огыл.

Шкетын огыл, а йолташыже-влак дене пырля толын. Уна-влак коклаште Сиэтл ола гыч Лисицинмыт вате-марий лийыныт. Леонид ден Вероника США-ште «Десна» футбол клубым вуйлатат.

- Молан клублан «Десна» лўмым пуэнда. Шочмо вер-шєрдам шарнышашлан? - йодам самырык мужыр деч.

- Ме Брянский областьыште шочын-кушкынна, тушто «Десна» э‰ер йога. Мемнан клубыш ушнышо-влак кугу э‰ерлан вийым

пуышо изи э‰ер-влак гай улыт. Ик ий ончыч ме Рима Баталова дене палыме лийынна. Кунам тудо мемнам Мишканыш толаш ўжє, вик келшышна. Таче эрдене эрак Сиэтл гыч чо‰ештышна да каслан Мишканыш толын шуна.

Икмыняр е‰ гыч шогышо делегацийым мишкан-влак «Триумф» ФОК воктене вашлийыныт. Шерге уна-влакым район администраций вуйлатыше Р. Мусин саламлен. Шке выступленийыштыже тудо Рима Баталовалан районын илышыштыже да самырык спортсмен-влакым ямдылымаште чолган участвоватлымыжлан кугу таум каласен. Рима Баталова ты спортивный объектым чо‰аш тў‰алме жап гычак Мишкан дене пе‰гыде кылым куча.

Россий Федераций Государственный Думын депутатше, Россий Паралимпийский комитетын вице-президентше, Россий спортын заслуженный мастерже, Государственный Думын паралимпийский спортым, инвалид-влаклан физический культурым да спортым вия‰дыме йодыш-влак дене подкомитетын председательже Рима Акбердиновна мемнан Паралимпийский спорт рўдерын илышыжым эскерен шогымо дене гына ок серлаге, жапын-жапын мемнан деке толын савырна, спонсор полышым ончыкта.

- Чемпион лийын огыт шоч, а ты лўмым сулен налыт, - Рима Баталова шке выступленийжым тыгай шомак дене тў‰але. - Мыят

тендан гаяк ялыште шочын-кушкынам. Но мыйын илышыштем спорт дене заниматлалташ тендан гай условий лийын огыл, лач кумыл да ончылан шындыме цель гына лийыныт…

Тиде ганат Рима Акбердиновна яра кидын толын огыл. Тудо самырык спортсмен-влаклан кок мужыр ечым да фитнес дене занятийым эртараш тренажерым конден.

Алена ГРИГОРЬЕВА.