Чапле йўлам умбакыже шуят

Чапле йўлам умбакыже шуят

100 ий ончыч Совет Российым аралаш Йошкар Армий ден Йошкар Флот ышталтыныт

Шўдє ий жапыште нуно элнан ўшанле аралышыже лийыныт. Тушман дене лўдде да талын Кугу Отечественный сарыште, Афган сарыште, шокшо точкылаште кредалыныт, терроризмым сорлыкленыт. РФ-н Вооруженный Вийже кызыт Йошкар Армийын ўшанле пашажым шуя да, тудын семынак, элнам пе‰гыдын арала.

Отечествым аралышын кечыже да Йошкар Армийлан 100 ий темме вашеш ме БР-се Мишкан да Бурай районласе военный комиссар Сергей Васильев дене мутланышна.

- Сергей Шуматович, шочмо элым аралымаш ожсек ик эн суапле пашалан да элна ончылно шнуй порыслан шотлалтын. Кочана ден ачана-влак тиде порысым чын шуктеныт. А кызытсе призывник-влак нерген мом каласен кертыда? Нуно элнам аралаш ямде улыт?

- 2017 ий шыжым районыштына медицинский комиссийыш 156 е‰ым ўжмє, нунын кокла гыч 67 е‰жым армийлан йєршылан шотлымо, 59 е‰жым - изи ограничений дене йєршылан, 21 е‰ым – ограниченно йєршылан, 9 е‰ым – жаплан йєрдымылан. Таза кап-кылан самырык-влак шагал улмо тургыжландара гынат, армийлан йєршын йєрдымє е‰ укелык сайлан ўшаным шочыкта.

Мишкан районышто чылаже 615 призывник учетышто шога, рвезе-влак армийышке уло кумылын служитлаш каят.

- Могай войскашке нуным утларак призыватлат?

- Призывникна-влакын 80 процентше сухопутный войскаште служитла.

- Пытартыш ийлаште рвезе-влак контракт почеш кумылын служитлат. Район гыч тыгай е‰-влак улыт?

- Мишкан район гыч контракт почеш 16 е‰ служитла, Бурай район гыч – 2 е‰. Нунын кокла гыч 8 е‰же призыв почеш служитлен огыл, контрактник-влак кокла гыч 6 е‰же высший образованиян улеш, 2 е‰же – среднеспециальный образованиян. 4 е‰ контракт почеш Таджикистан Республикыште служитла, молышт – Центральный Военный округышто.

- Ача-ава-влаклан частьла гыч тауштыме серыш-влак чўчкыдын толыт?

- Ончыч тыгай серыш-влакым военкомат гоч колтеныт, сандене ме паленна. Кызыт виклан ача-ава-влаклан колтат, тидлан кєра раш вашмутым пуэн она керт. Туге гынат, мый тыгай серышым налше ача-ава-влакым чўчкыдын вашлиям. Нунын икшывышт Россий армий радамыште сайын служитлыме чапле йўлам умбакыже шуят.

- Отечествым аралышын кечыже вашеш военкомат ден район администраций «Салтак посылка» акцийым эртареныт. Тудын лектышыже могай?

- Акций кугу лийын огыл гынат, районысо калыкын салтакна-влак верч тургыжланымыжым эше ик гана рашемден. Акцийыште е‰-влак шке кумылын участвоватленыт. Ме тулык, шагал парышан да шуко икшыван ешлаште шочын-кушшо салтакна-влаклан 32 посылкым колтенна. Тамбов олаште служитлыше салтакна Аслан Сафин (тулык икшыве, Терекей ялысе еш ончен куштен) деч тауштыме видеообращенийым налынна. Военкомат лўм дене тиде акцийышке ушнышо-влаклан чылаштланат чон гыч лекше тау мутым ойлем.

- 23 февраль тыланда поснак кугу пайрем улеш. Тиде пайрем вашеш те калыклан мом каласынеда?

- Тиде кече шочмо элнам аралыше-влакым жаплыме, нунын подвигышт дене кугешныме пайремыш савырнен. Сандене шочмо элнам аралыше-влаклан чылаштланат чон гыч лекше тау мутым ойлымо шуэш. Отечествым аралышын кечыжым военный-влак веле огыл, пўтынь калык кумдан палемда. Тудо чумыр национальный пайремышке савырнен.

Мишкан район гыч армийыште тўжем дене е‰ служитлен, нуно сухопутный войскаште, Военно-морской флотышто служитлыме, элнан чекшым аралыме жапыштым алал кумылын шарнен илат. Мый тиде кече вашеш пєръе‰-влакым веле огыл, тыгак шочмо элна ончылно шнуй порысыштым шуктышо ўдырамаш, салтак вате ден салтак ава-влакым саламлем. Поснак Кугу Отечественный сарын ветеранже ден воин-интернационалист-влакым саламлыме шуэш, нунын подвигышт ик тукымлан веле огыл сай пример улеш.

Районысо пўтынь калыкым эше ик гана Отечествым аралышын кечыж дене саламлем, тазалыкым, суапым, чолгалыкым да тыныс илышым тыланем.

Фирдаус КАДИКОВА.