Башкортостан Республикыште погылан налогым тўлыдымє-влак нерген 10 факт

Башкортостан Республикыште погылан налогым тўлыдымє-влак нерген 10 факт

1. Республикыштына налоговый дисциплина

2018 ий 1 июльлан республикыштына 900 тўжем утла е‰ налогым тўлен огыл. 10 тўжем утла оксам тўлышаш порысан е‰-влакын чотышт 35 тўжем утла, нуно чумыр шотышто 1218 млн те‰ге оксам тўлышаш улыт. Пўтынь порысын чумыр кугытшо 2 млрд 116 млн те‰ге: транспорт налоглан порыс - 370 млн те‰ге, мландылан – 401 млн те‰ге, погылан – 345 млн те‰ге.

Тений икымше пелийыште граждан-влакын порысышт 980 млн те‰гелан иземын (-32 процент). Кодший тыгай жап дене та‰астарымаште, порыс 326 млн те‰гелан шагалемын (2017 ий 1 июльлан 2 млрд 442 млн те‰ге лийын).

2. Эн кугу порысан-влак

Республикыштына кум е‰ 3 млн утла налогым тўлышаш улеш (погылан да мландылан). 3 тўжем утла е‰ын порысшо 50 тўжем те‰ге деч шукырак (чумыр шотышто 540 млн те‰ге). Кодшийсе тыгаяк жап дене та‰астарымаште, порыс 162 млн те‰гелан (-23 процент) шагалемын.

3. Порысан е‰-влак могай машина дене коштыт

Порысан е‰-влакын утларак ужашыже ВАЗ куштылго автомобиль дене коштеш. Шукыштын КамАЗ, ЗиЛ грузовикышт, Беларусь тракторышт, Урал, Иж мотоциклышт, Газель машинашт уло. Порысан-влак коклаште шергакан BMW, Toyota, Land-Rover, Mersedes машина-влак дене коштшо-влакат улыт.

4. Налог кузе тўлалтеш

2018 ийын икымше пелыштыже БР-н бюджетышкыже 88 млрд те‰ге пурен (кодшийсе тыгаяк жап дечын 24,7 процентлан шукырак). Тушечын погылан налогын кугытшо 8715 млн те‰ге (4,1 процент).

5. Налогым кушто кузе тўлат

Налогым Калатаса, Иглин, Буздяк, Дюртюли, Мишкан, Уфа, Абзелил, Дуван, Кигин районлаште сайын тўлат.

Агидель, Благовещенск, Мелеуз олалаште, Стерлибаш, Бурай, Ишимбай, Мелеуз, Благовещенск, Куюргазе да Зианчур районлаште налогым тўлаш огыт вашке.

6. Порыс кушто иземеш, кушто арта

Порысан е‰-влакын чотышт Благовещенск, Калтаса, Татышле, Стерлибаш, Бурзян, Бурай районлаште, Нефтекамск да Агидель олалаште иземеш (38 деч утларак процентлан иземын).

Уфа, Благовар, Чишма, Буздяк, Кармаскале районлаште, Давлекан олаште порыс 25 деч шагалрак процентлан иземын.

7. Порысан-влак дене кучедалме йєн-влак

Тиде пашам ГИБДД пашае‰-влак да Судебный пристав-влак управлений шуктат. Мутлан, ГИБДД пашае‰-влак полшымо дене «Дорожный пристав» проект эртаралтеш.

Тиде пашашке тыгак порысан-влаклан паша верым пуышо-влак ушалтыт. Порысан е‰ын порысшо 25 тўжем те‰ге деч шагалрак гын, налоговик-влак исполнительный документым, судебный пристав-влакым пашашке ушыде, виклан паша верышке колтен кертыт. Тидын годым паша верым пуышо порысым пашадар гыч кучен кода.

Тылеч посна налоговый орган-влак порысан е‰лан тўрлє погым регистрироватлаш чаракым ыштен кертыт: автомобильым, пєртым, мландым...

8. Порысан е‰-влак вес элышке каен огыт керт

Налогым тўлыдымє е‰-влаклан вес эллашке канаш але моло сомыл дене миен толаш чарак шындалтеш. Тидлан кєра моло элышке кайымыда деч ончыч порысда уло але укем рашемдыза.

9. Налог шотышто порыс уло але укем кузе палыман?

Налогым тўлымє йєн-влак: Россий Федерацийын государственный услугыжо-влак порталыш пурен (www.gosuslugi.ru); Россий ФНС-ын сайтыштыже (www.nalog.ru) «Личный кабинет налогоплательшика для физических лиц» да «Заплати налоги» интернет-сервис-влак полшымо дене; шуко функциян рўдерын (МФЦ) филиалышкыже миен.

Ешартыш йодышым налоговый органыш миен да (347)226-38-00 телефон дене йы‰гыртен пуаш лиеш.

10. Порысым кузе петырыман?

Порысым тўлымє терминал, банклашке але почта отделенийыш миен тўлаш лиеш. Тыгак Россий Федерацийын государственный услугыжо-влак портал гоч, Россий ФНС-ын «Личный кабинет налогоплательшика для физических лиц», «Заплати налоги» интернет-сервисше-влак гоч тўлаш йєн уло.

Фирдаус КАДИКОВА.